ԿՈՄԻՏԱՍԻ ԱՆՎԱՆ ՊԱՆԹԵՈՆՈՒՄ ՏԵՂԱԴՐՎԵԼ Է ԼԵԳԵՆԴԱՐ ՄԱՐՄՆԱՄԱՐԶԻԿ ԱԼԲԵՐՏ ԱԶԱՐՅԱՆԻ ԲՐՈՆԶԱՁՈՒՅԼ ԱՐՁԱՆԸ

Սեպտեմբերի 5-ը լեգենդար մարմնամարզիկ, ֆիզիկական կուլտուրայի և սպորտի վաստակավոր գործիչ, Օլիմպիական խաղերի եռակի չեմպիոն, Աշխարհի ու Եվրոպայի չեմպիոն, «Օղակների արքա», մեծ հայ ԱԼԲԵՐՏ ԱԶԱՐՅԱՆԻ հիշատակի օրն էր։ Այդ կապակցությամբ, Երևանի Կոմիտասի անվան պանթեոնում կայացել է լեգենդար մարմնամարզիկի բրոնզաձույլ արձանի բացման արարողությունը։ Տարելիցի առթիվ, մատուցվել է հոգեհանգստյան կարգ։ Ներկաները ծաղիկներ են խոնարհել Ազարյանի շիրիմին և խնկարկել նրա պայծառ հիշատակը։ Պետական ֆինանսավորմամբ ստեղծված արձանի հեղինակը քանդակագործ ԳՈՌ ԴԱՎԹՅԱՆՆ է։ Նրա խոսքով ներկայացված մի քանի էսքիզներից լեգենդար մարմնամարզիկի որդին Էդուարդը ընտրել է վերջնական տարբերակը «Ազարյանական խաչը» թեքված կատարելիս։

Հայաստանի մարմնամարզության ֆեդերացիայի նախագահ Գագիկ Վանոյանի խոսքով Ալբերտ Ազարյանին նվիրված բրոնզաձույլ արձանը վկայությունն է պետության կողմից լեգենդար մարմնամարզիկի կյանքի ու գործունեության նկատմամբ գնահատանքի։ Ներկա են եղել նաև ԿԳՄՍ նախարարն ու նրա տեղակալը։

Ներկայացրեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Իմ անվերապահ աջակցությունն եմ հայտնում տնօրենին. Ազարյան Մոնակոյում ձերբակալվել է ուկրաինացի՝ Ալբերտ II-ի ազգականի սպանության կասկածանքով. Le Figaro Երբ քաղաքապետարանը դառնում է Ջուլիկի քաղաքական բեմը Ճիշտ կամ սխալ ընդդիմություն. ցավալի է անգամ, որ կա նմանատիպ խոսույթ․ Ալբերտ Մովսիսյան Պետական համակարգը, համայնքային բյուջեն չենք ծառայեցնելու` ինչ-որ մեկի նեղ շահի համար. Ջերմուկ խոշորացված համայնքի ղեկավարի թեկնածու