«ԼՌՈՒԹՅԱՆ ՁԱՅՆԸ» ԽՈՐԱԳՐՈՎ ՑՈՒՑԱՀԱՆԴԵՍ ԳՅՈՒՄՐԻՈՒՄ

Հայաստանի մշակութային մայրաքաղաք Գյումրիի «Մարիամ և Երանուհի Ասլամազյան» քույրերի պատկերասրահում բացվեց ծնունդով Գյումրեցի, մասնագիտությամբ իրավաբան ՄԱՐԻՆԵ ՄԱՆՈՒԿՅԱՆԻ անհատական ցուցահանդեսը։

Iravunk. com - ի Շիրակի մարզի թղթակիցը ներկա է գտնվել։ Ցուցահանդեսին մասնակցում էին մեծ թվով մարդիկ, արվեստագետներից բացի ներկա էին նաև գործարարներ։ Երիտասարդ նկարչուհին ծնվել է Գյումրիում այստեղ բնակվել մինչև 1988֊ի դեկտեմբերի 7֊ի սարսափելի երկրաշարժը։ Երբ քաղաքը վերածվել է ավերակների, նա անչափահաս է եղել, լքել է Գյումրին, ծննդավայրի պատկերը սրտում։ Մեզ հետ զրույցում նկարչուհի Մարինե Մանուկյանը նշեց. - Հարազատ քաղաքում ցուցահանդես անցկացնելու գաղափարը վաղուց էր ծնվել, դեռ մի քանի տարի առաջ։ Սա իմ թվով երրորդ անհատական ցուցահանդեսն է, սակայն պիտի անկեղծանամ Ձեզ հետ ու ասեմ, որ ամենից շատ հենց այսօր եմ հուզվում, իմ ծննդավայր Գյումրիի հետ են կապված մանկությանս ամենաջերմ հուշերը։ Գյումրիում /նախկինում Լենինական /ապրել եմ մինչև երկրաշարժը, հետո տեղափոխվել Երևան, երբ դեռ անչափահաս էի ու երբ ինձ համար այդքան հարազատ քաղաքը մի քանի րոպեում վերածվեց ավերակների։ Ես լքեցի քաղաքս ծանր սրտով ու այդ զգացողությունը ինձ երբեք հանգիստ չէր տալիս։ Հիմա վերադարձել եմ վերածնված Գյումրի, հարազատ քաղաքիս բերելով մի քիչ սեր, ջերմություն, արևներ։ Ես սկսեցի նկարել բավական ուշ, երբ ասելիքս չէր տեղավորվում իմ ընտրած մասնագիտության մեջ։ Իմ գեղանկարների միջոցով փորձում եմ լսելի դարձնել լռության ձայնը և այն փոքր ֊ինչ խլացնել դրական զգացողություններով։ Ես փնտրեցի ու ստեղծագործելու ընթացքում գտա իմ մշտամնա ուղեկցին իմ մանկության տան պատուհանից ներս թափանցող, ինձ ջերմացնող,ամենասպասված ու ամենաապահով արևը։ Նշենք, որ Մարինե Մանուկյանը ՀՀ Նկարիչների միության անդամ է։ ՀՀ Նկարիչների միության նախագահ Սուրեն Սաֆարյանը ևս ներկա էր այս ցուցահանդեսին, նա նշեց, որ Մարինեն շատ ակտիվ է, մշտապես մասնակցում է բոլոր նախագծերին ու ցուցահանդեսներին։ Զարմանալի կարողության տեր է, ունենալով իր առաջին մասնագիտությունը /իրավաբան /, կարողանում է մեկտեղել, ժամանակ գտնել ու ստեղծագործել, նրա պատկերած արևները, նրա հոգու և սրտի պատկերն են։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Լրջագույն խնդիր, որի պատասխանատուն ու կրողը քաղաքային իշխանությունն է Երբ դավաճանությունն ապրելու ձև է դառնում, պետությունը փրկելու համար օրենքը պետք է դառնա ապրելու կանոն Վարչաձվածեղից մինչեւ «վարչաֆեստ». իշխանության «ստեղծագործական» ճգնաժամը Քաղաքական եւ անձնական շահից զատ՝ ոչ ոք չհամարձակվեց կանգնել եւ ասել… այո՛, սխալվել ենք Նիկոլ Փաշինյանը, դու այն եզակի խիզախ լրագրողներից էիր, որ անշահախնդիր լուսաբանում էիր իրավական գործառույթներս, այսօր ես քեզ չեմ ճանաչում.Հայտնի փաստաբանը դիմում է վարչապետին