«Մարիխուանա»՝ Կենտրոնական բանկի պաշտոնյայի մոտ. Shamshyan.com

Shamshyan.com-ի տեղեկություններով՝ սեպտեմբերի 12-ին ապօրինի թմրանյութ պահելու և օգտագործելու դեպք է բացահայտվել Երևանում։ Ժամը 23։45-ի սահմաններում ՀՀ ներքին գործերի նախարարության ոստիկանության Պարեկային ծառայության Երևան քաղաքի գնդի 2-րդ գումարտակի պարեկները Աճառյան 2-րդ փակուղու մոտից թմրանյութ պահելու և օգտագործելու հիմնավոր կասկածանքով ձերբակալել և ոստիկանության Ավանի բաժանմունք են տեղափոխել Երևանի բնակիչ 31-ամյա Սարգիս Գ․-ին։

Նրա մոտից անձնական խուզարկությամբ հայտնաբերվել է 1,93 և 1,43 գրամ ընդհանուր կշռով 2 հատ թղթյա փաթեթ՝ լցված դեղնականաչավուն զանգվածով և մոխրացված հետքերով 2 կաթոցիչ: Արդեն ոստիկանությունում Սարգիս Գ․-ն հայտնել է, որ հայտնաբերվածը հանդիսանում է «Մարիխուանա» տեսակի թմրամիջոց, ձեռք է բերել համացանցի «Տելեգրամ» հավելվածի միջոցով՝ իր օգտագործման համար: Գ․ Շամշյանի տեղեկություններով՝ Սարգիս Գ․-ն ոստիկաններին հայտնել է, որ ինքը աշխատում է ՀՀ Կենտրոնական բանկում՝ որպես ինժեներ։

Այս թեմայով «Հրապարակ»․ Փաշինյանը վա-բանկ է գնում Ռուսական ուժերը խոցել են Դնեպրոպետրովսկի «Կենտրոնական կամուրջը» Բանկերը 9 ամսում պետբյուջե են վճարել 149,2 մլրդ դրամ Մարկո Ռուբիոյի այցը Կենտրոնական Ասիա ազդում է Իրանի, Ռուսաստանի և Չինաստանի շահերի վրա ՎՏԲ-Հայաստան Բանկն աջակցել է Newmag-ի BOOK DONATION նախաձեռնությանը Հրազդանում