Ծածկագրիչների գրոհներն ակտիվացել են, համակարգիչների այլ վնասաբեր ծրագրերինը՝ թուլացել

«Կասպերսկի» ընկերության լուծումները 2024-ի երկրորդ եռամսյակում ծածկագրիչ-տրոյացիների գրոհներից պաշտպանել են 85 819  ունիկալ օգտատիրոջ՝ մեկ տարի առաջվա 57 612-ի դիմաց։ Ընկերության տվյալներով՝ այս տարվա նույն ամիսներին ծածկագրիչների բոլոր այն զոհերի ավելի քան 12%-ը, որոնց տվյալները հրապարակվել են խմբավորումների DLS կայքերում (data leak site), տուժել են Play ծածկագրիչից։

«Կասպերսկի» ընկերության լուծումները 2024-ի երկրորդ եռամսյակում աշխարհով մեկ մայներներից պաշտպանել են 339 850 ունիկալ օգտատիրոջ։ Անցյալ տարվա ապրիլ-հունիսին մայներների օգտագործմամբ գրոհներ են հայտնաբերվել 384 063 ունիկալ օգտատերերի համակարգիչներում։ Ընթացիկ տարվա ապրիլ-հունիսին հայտնաբերվել է մայներների 36 380 նոր մոդիֆիկացիա՝ նախորդ տարվա 2 184-ի դիմաց։ 2024-ի նույն ժամանակահատվածում մայներներն ավելի շատ գրոհել են Տաջիկստանում (2,40%), Վենեսուելայում (1,90%) և Ղազախստանում (1,63%) գտնվող օգտատերերին։ Մեկ տարի առաջ Տաջիկստանը (3,06%)  առաջին տեղում էր, Ղազախստանը (2,14%)՝ երկրորդում, իսկ ահա Ղրղզստանը՝ (1,97%)՝ երրորդում։

Նվազել է նաև համացանցի միջոցով, այսինքն՝ վեբ-գրոհների քանակը։ 2024-ի երկրորդ եռամսյակում «Կասպերսկի» ընկերության լուծումները հետ են մղել 664 046 455 գրոհ, որոնք իրականացվել են ամբողջ աշխարհում տեղակայված ինտերնետ-ռեսուրսներից: Գրանցվել է 113 535 455 եզակի URL, որոնց հակազդելու համար գործարկվել է վեբ-հակավիրուսը: 2023-ի ապրիլ-հունիսին հետ է մղվել 801 934 281 գրոհ և արձանագրվել 209 716 810 եզակի URL: Ընթացիկ տարվա նույն ամիսներին ամենաշատը նման գրոհներ են հետ մղվել Մոլդովայում (11,36%), Հունաստանում (10,86%) և Կատարում (10,40%) գտնվող օգտատերերի համակարգիչներում։ Մեկ տարի առաջ այդ վարկանիշը հետևյալ տեսքն ուներ․ Հունաստան (13,65%), Թուրքիա (13,62%), Թայվան (13,02%)։

Ինչ վերաբերում է տեղային սպառնալիքներին (վնասաբեր ծրագրեր, որոնք հայտնաբերվել են անմիջապես օգտատերերի համակարգիչներում կամ դրանց միացված հանովի կրիչներում, կամ ի սկզբանե հայտնվել են համակարգչում ոչ բաց տեսքով, օրինակ՝ ծրագրեր բարդ ինստալյատորների կազմում, ծածկագրված ֆայլեր), ապա 2024-ի երկրորդ եռամսյակում «Կասպերսկի»-ի ֆայլային հակավիրուսը գրանցել է 27 394 168 վնասաբեր և հնարավոր անցանկալի օբյեկտ՝ նախորդ տարվա ապրիլ-հունիսի 39 624 768-ի դիմաց։ Ընթացիկ տարվա նույն ժամանակահատվածում ամենաշատը տեղային սպառնալիքների ենթարկված երկրների եռյակն ունի հետևյալ տեսքը. Թուրքմենստան (44,25%), Աֆղանստան (39,50%), Կուբա (38,32%)։ Մեկ տարի առաջ ցանկը գլխավորում էին նույն Թուրքմենստանը (43,95%) և Աֆղանստանը (43,39%), իսկ ահա երրորդը Եմենն էր (40,68%)։

Այս թեմայով Երբ ոչ թե պարզապես «շապիկով ես ծնվել», այլ «լրիվ հանգված» (Տեսանյութ) Երբ լռում է դատական դահլիճը, մնում է ամենակարևոր հարցը՝ ի՞նչ եղավ մարդու ճակատագիրը. Բացառիկ զրույց հայտնի իրավապաշտպանի հետ Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին Ղազախստանն Ուկրաինային կոչ է արել Սև ծովում դադարեցնել գրոհներն իրենց նավերի վրա