Մենք կարող ենք պաշտպանել մեր անկախությունն ու ինքնիշխանությունը դաշնակցի օգնությամբ. Գրիգոր Բալասանյան

Սեպտեմբերի 21-ին Հայաստանը կնշի իր հերթական Անկախության տոնը։ Հարցին՝ կարո՞ղ ենք այսօր խոսել Հայաստանի՝ որպես անկախ եւ ինքնիշխան պետության մասին, պատասխանել է քաղաքագետ, միջազգային հարաբերությունների փորձագետ ԳՐԻԳՈՐ ԲԱԼԱՍԱՆՅԱՆԸ:

— Աշխարհում, որպես այդպիսին, չկան բացարձակ անկախ պետություններ։ Բոլոր պետությունները կախված են ինչ-որ մեկից: Բայց երբ խոսում ենք ինքնիշխանության մասին, հայ հասարակության մի մասը կարծում է, որ ինքնիշխանություն նշանակում է անկախություն Ռուսաստանից կամ, եթե Ռուսաստանի հետ հարաբերությունները վատանում են, ապա սա պայքար է անկախության համար ։ Այդպիսի բան չկա եւ չի կարող լինել։ Երբ արեւմտյան երկրների կրտսեր պաշտոնյաներն ու նրանց դեսպանները անընդհատ խառնվում են քո ներքին գործերին, անկախության ու ինքնիշխանության մասին խոսելը ծիծաղելի է։

Այո, մենք կախված ենք Ռուսաստանից, քանի որ այլ կերպ չենք կարող գտնել էժան էներգակիրներ։

Բայց երբ մեզ թելադրում են, որ պետք է փոխենք քրեական օրենսգիրքը, որ ԼԳԲՏ համայնքը պետք է ընդունելի լինի Հայաստանում, որ տրանսգենդերներն արդեն սկսում են Հայաստանը ներկայացնել տարբեր մրցույթներում եւ այլն, դա՞ է ինքնիշխանություն եւ անկախություն: Սա անկախության ծաղր է։

Ուստի` մենք պետք է հասկանանք, որ դաշնակցի հետ խոսելը, սերտ հարաբերություններ ունենալը, դաշնակցի հետ տնտեսական, քաղաքական, մշակութային, կրթական կապերի խորացումը չի նշանակում, որ մենք կորցնում ենք անկախությունը։ Ընդհակառակը` այս դաշնակցի օգնությամբ մենք կարող ենք պաշտպանել մեր անկախությունն ու ինքնիշխանությունը այն ընկերների հարձակումներից, ովքեր նստած մտածում են, թե ինչպես վատություն անեն։ Եվ ամենակարեւորն այն է, որ նրանց նպատակը` Հայաստանը Ռուսաստանից պոկելն է, իսկ հետո այն, ինչ տեղի կունենա Հայաստանի հետ, նրանց այլեւս չի մտահոգում եւ չի անհանգստացնում։ Ուստի` օգտվելով առիթից, ցանկանում եմ շնորհավորել բոլորիս Անկախության տոնի առթիվ եւ մաղթել, որ մեր փոքրիկ Հայաստանն իսկապես անկախություն ձեռք բերի, իսկապես հասկանա, թե ուր է գնում, եւ դա պարզ լինի մեր դաշնակիցներին, գործընկերներին եւ թշնամիներին։

Պատրաստեց ԶԱՐՈՒՀԻ ԲԱԲՈՒԽԱՆՅԱՆԸ

Այս թեմայով Ռուսական կողմը վերահսկողություն է հաստատել ևս 3 բնակավայրի նկատմամբ Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Շոգը նահանջում է, տեղումնաբեր ցիկլոն կներթափանցի Հայաստան․ ջերմաստիճանը կնվազի Վերսկսվել է Հայաստան բնական գազի մատակարարումը «Հյուսիսային Կովկաս – Անդրկովկաս» գազատարով Իրանում հանդիսավորությամբ նշվել է Հայաստանի Անկախության տոնը