Պատմությունը չի կարող շարադրվել այնպես, ինչպես թույլատրում է տվյալ պահի քաղաքական նպատակահարմարությունը

Շիրազ Խաչատրյանը գրում է

Պատմությունը չի կարող շարադրվել այնպես, ինչպես թույլատրում է տվյալ պահի քաղաքական նպատակահարմարությունը։ Չի ստացվելու․․․․

Թե ինչու պարտվեցինք, ինչու ամեն բան սխալ գնաց ու մեր համար 44-օրյա պատերազմի ավարտը խայտառակ ելք ունեցավ, իմ ու բազմաթիվ մարդկանց մոտ շատ վաղուց պարզ ու հասկանալի է։ 

44-օրյայի աղետի պատասխանատուները հստակ անուն ազգանուններ ունեն, ովքեր մինչ այս պահը իշխանության են ու փորձում են մեր պատմության ամենախայտառակ էջերից մեկը սրբագրել իրենց ուզած ձևով, ովքեր փորձում են իրենց «շրջանակներից» դուրս մեղավորներ փնտրել ու մեղավորներին «դատել», ովքեր հազարավոր տղաներին իրենց դավաճանական քայլերի պատճառով ուղարկել են մահվան դուռ, տասնյակ հազարավոր մարդկանց դարձրել խեղված ու  հաշմանդամ, հարյուրհազարավոր հայերի դարձրել գաղթական, զրկել իրենց տներից, հայրենիքից․․ ու այդքանից հետո ոչ մի վայրկյան զղջալու, ամոթի զգացում...

Այսօր չունենք Արցախի Հանրապետություն, չկա ՀՀ  տարածքային ամբողջականություն, ունենք պոպուլիստ, դավաճան իշխանություն, ով դեռևս շարունակում է «առաջ տանել»   նույն դավաճանական, աղետալի  ու սխալ արտաքին քաղաքական կուրսը, որի արդյունքում ունեցել ենք խայտառակ ելք բոլոր առումներով, ու շարունակելու ենք ունենալ, քանի դեռ նման կամազուրկ, դավաճան  «ռազմաքաղաքական էլիտա»-ն «ապագա կա» գոռալով կառավարելու է Հայաստան աշխարհը...

Բայց որքան էլ փորձ անեն  իրենց պարտությունն ու Արցախի հանձնումն «արդարացնելու» համար դիմել ամենաանբարո քայլերի, մեկ է, չի ստացվելու, կա մի պարզ ճշմարտություն, որ մեր երկրի ներկա աղետալի վիճակի հիմքում քպական կառավարիչներն են, ովքեր վաղ, թե ուշ պատասխան են տալու ամեն բանի համար...

#հավերժ_փառք_տղեքին

Այս թեմայով Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն Գագիկ Խաչատրյանի փաստաբանները պարզաբանում են ներկայացրել 193 գույքի և պարտատոմսերի վերաբերյալ Փաշինյանը սկսեց «ձեռ առնել» Սուրիկ Խաչատրյանին. «Մարդու իրավունքների մեծ պաշտպան է» Նեկրոդատավարությունների երկիր Հայաստան  Դանակը ոսկորին ա հասնելու․ ԸՆԿԵՐ ՓԱՆՋՈՒՆԻ