«Երևանի ինֆորմատիկայի պետական քոլեջ»-ում համակուրսեցին դանակահարել է 16-ամյա սովորողին

Սեպտեմբերի 27-ին հերթական քրեորեն պատժելի դեպքն է տեղի ունեցել Երևանի Մամիկոնյանց փողոցում գործող «Երևանի ինֆորմատիկայի պետական քոլեջ»-ում։ Այդ օրը՝ ժամը 12:30-ի սահմանում ՀՀ Ներքին գործերի նախարարության Ոստիկանության Արաբկիրի բաժնում օպերատիվ տեղեկություններ են ստացվել, որ նշված քոլեջում դանակահարություն է տեղի ունեցել։

Ինչպես հայտնում է shamshyan.com-ը, մինչ ոստիկանները արդեն քոլեջում պարզում էին դեպքի հանգամանքները, «Ուիգմոր» բժշկական կենտրոնից ոստիկանության Արաբկիրի բաժին ահազանգ է ստացվել, որ «ձախ ազդրի դրսային մակերեսի կտրած-ծակած վերք» ախտորոշմամբ իրենց մոտ է տեղափոխել մի երեխա։ Հիվանդանոց մեկնած օպերատիվ խումբը պարզել է, որ վիրավորը Երևանի բնակիչ 16-ամյա տղա է, ով հիվանդանոց է տեղափոխվել «Երևանի ինֆորմատիկայի պետական քոլեջ»-ից։

Նշվում է, որ քոլեջի տնօրեն Ռոբերտ Աբրահամյանը ոստիկաններին ասել է, որ դեռահասը վազելիս է վնասվածք ստացել՝ պատահաբար դիպչելով սեղանի սուր ծայրին, սակայն ոստիկանները պարզել են, որ քոլեջում տեղի է ունեցել դանակահարություն և 16-ամյա սովորողին դանակահարել է նույն քոլեջի 16-ամյա սովորողը։

Ոստիկանների կողմից բացատրական աշխատանքների շնորհիվ կասկածյալը, նշված քոլեջի անվտանգության աշխատակից 40-ամյա Մարիամ Իսրայելյանի հետ, ներկայացել են ոստիկանության Արաբկիրի բաժին։ Դեպքի փաստով նախաձեռնվել է քրեական վարույթ։

Նշված քոլեջում սա դանակահարության առաջին դեպքը չէ. մարտի 12-ին մահվան ելքով դանակահարություն էր տեղի ունեցել: Սպանվել էր 18-ամյա Ռաֆայել Հ.-ն, որը սովորում էր «Երևանի ինֆորմատիկայի պետական քոլեջ»-ի 3-րդ կուրսում:

Այս թեմայով Պարոնյանի թատրոնն ազդարարեց 85-րդ հոբելյանական թատերաշրջանի մեկնարկը ՇՏԱՊ. Մինչեւ քրեական պատասխանատվության հարցի պատշաճ լուծումը, անձի հանձնումը պետք է հետաձգվի. Հայտնի փաստաբանը ադրբեջանցի զինվորի վերաբերյալ «Թաթա» կարապը փախել էր Երևանի կենդանաբանական այգուց «Ժողովուրդ». «Վեոլիա Ջուր»-ը պետք է հետաքրքրեր պետական մարմիններին, բայց չի հետաքրքրում Չէ՞, հա, իրո՞ք. Գեւորգ Սուջյանի պատասխանը Ալիեւին