ԱՇՈՑՔՈՒՄ ԿԱՅԱՑԱՎ ԱՐՑԱԽՅԱՆ 44-ՕՐՅԱ ԴԱԺԱՆ ՊԱՏԵՐԱԶՄՈՒՄ ԱՆՄԱՀԱՑԱԾ ՓՈԽԳՆԴԱՊԵՏ ՄԱՆՎԵԼ ԿԱՐԱՊԵՏՅԱՆԻՆ ՆՎԻՐՎԱԾ «ԼԵՌՆԵՐԻ ԱՐԾԻՎԸ» ԳՐՔԻ ՇՆՈՐՀԱՆԴԵՍԸ

Iravunk. com - ի Շիրակի մարզի թղթակիցը Աշոցք համայնքում էր։ Աշոցքի մարզամշակութային կենտրոնում տեղի է ունեցավ Արցախյան 44-օրյա դաժան պատերազմի անմահ հերոս, «Մարտական խաչ» առաջին աստիճանի շքանշանակիր, փոխգնդապետ ՄԱՆՎԵԼ ԿԱՐԱՊԵՏՅԱՆԻ պայծառ հիշատակին նվիրված «ԼԵՌՆԵՐԻ ԱՐԾԻՎԸ» գրքի շնորհանդեսը։ Գրքի հեղինակը ՀԱՍՄԻԿ ԽԱՉԱՏՐՅԱՆՆ է։ Գրքում հուշեր ու վկայություններ են Կարապետյանի հարազատների, ընկերների կողմից, ինչպես նաև բանաստեղծություններ նվիրված անմահ հերոսին։ Շնորհանդեսին ներկա էին հերոսի ծնողներ, որդեկորույս ծնողներ, հարազատներ, ընկերներ։Նշենք, որ գումարտակի հրամանատար Մանվել Կարապետյանը մեկն էր նրանցից, ով առաջինը դիմավորեց թշնամու հարձակումը, անհավասար ու կատաղի մարտի բռնվելով նա կանգնեցրեց մեծաթիվ հակառակորդի։ Մինչև հրամանատարի զոհվելը, թշնամին այդպես էլ չկարողացավ ճեղքել նրա դիրքերի պաշտպանությունը։ Փոխգնդապետին բոլորն են հիշում սիրով, մերօրյա հերոսը մեր զավակներին ու մեզ սովորեցրեց, որ մայրերի հանդեպ իրական սերը հենց հայրենիքի հանդեպ սերն է։ Շիրակի մարզպետի խորհրդական Գնունի Աղաբեկյանն էլ փոխանցեց մարզպետի խոսքը. «Անչափ հուզիչ ու միևնույն ժամանակ պարտավորեցնող միջոցառման ենք մասնակցում։ Դժվար է խոսել, երբ խոսքերով հնարավոր չէ արտահայտել այն ամենը, ինչ զգում ես, դժվար է խոսել, քանզի հայրենիքի համար ամենաթանկը տված հերոսների մասին խոսելիս բառերը աղքատանում են, մտքերը աղճատվում։ «Լեռների արծիվը» գիրքը վստահ եմ արցունքի ու դառը ժպիտի հիացմունքի ու ափսոսանքի, հպարտության ու տխրության զգացումներից է ծնվել, վստահ եմ նաև, որ գիրքը ոչ թե մահվան, այլ կյանքի մասին է, ոչ թե ընկնելու, այլ պայքարի, ուժի, ոգու և հզորության մասին, քանզի «Մարտական խաչ» առաջին աստիճանի շքանշանակիր, փոխգնդապետ Մանվել Կարապետյանի մասին խեղճացած ու անցյալով հնարավոր չէ խոսել։ Փառք հայրենիքի համար կյանքը չխնայած մեր բոլոր հերոսներին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Էլ մեղավորներ չեմ փնտրում… Հայտնի փաստաբանը «Իրավունքի» խնդրանքով 6 տարի անց վերապրեց դաժան պատմության էջը 3833 զոհ, 191 անհայտ կորած. 44-օրյա պատերազմից անցել է վեց տարի 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ