Արմեն Խաչատրյանի որդին անգամ կայքում է արտոնյալ. «Ժողովուրդ»

«Ժողովուրդ» օրաթերթը գրում է․ «ՀՀ փորձաքննությունների կենտրոն ՊՈԱԿ-ում թեեւ բազում աշխատակիցներ կան, սակայն «Ժողովուրդ» օրաթերթը նկատեց, որ պաշտոնական կայքում ընդգծված է ՔՊ-ական պատգամավոր Արմեն Խաչատրյանի որդու «կերպարը»:

Տասնյակ բաժնի պետերի, այլ աշխատակիցների ֆոնին պատգամավորի որդու՝ Էդուարդ Խաչատրյանի լուսանկարն է «զարդարում» ՊՈԱԿ-ի պաշտոնական կայքը:

Անշուշտ, սրանք մանրուքներ չեն եւ արտացոլում են որոշ ՔՊ-ականների արագ անցումը բուրժուական կարգավիճակի։ Դե իսկ Արմեն Խաչատրյանը կարկառուն «նախկին» է, «նախկինների թալանի դարբնոց»՝ ՃՈ բարձրաստիճան պաշտոնյա, իսկ հիմա իրեն ազնիվ հռչակած կերպար է, որի որդու բարեհաջող կարիերայի եւ աշխատավարձի մասին «Ժողովուրդ»-ը ավելի վաղ գրել էր՝ ներկայացնելով Էդուարդ Խաչատրյանի ունեցվածքը, մասնավորապես, որ վերջինս, ըստ իր հայտարարագրի, միանձնյա սեփականությամբ հողամաս է գնել, որը գտնվում է Արմավիրի մարզի Մայիսյան գյուղում, եւ ձեռք է բերվել 2021 թվականին, սակայն 2022 թվականին Շանթ Պետրոսյանի կողմից օտարվել է 5 մլն դրամով։ Տարեսկզբին պատգամավորի որդին ունեցել է 2 մեքենա՝ Toyota մակնիշի, 2015 թվականի արտադրության, որը ձեռք է բերվել 2019 թվականին, եւ 2011 թվականի արտադրության Nissan մակնիշի ավտոմեքենա՝ ձեռք բերված 2021 թվականին։ Տարվա ընթացքում պատգամավորի որդին ձեռք է բերել եւս մեկ մեքենա՝ 2002 թվականի արտադրության Volkswagen, որը նույն տարում օտարվել է 500 հազար դրամով. նույն տարում օտարվել է նաեւ Nissan մակնիշի մեքենան 3 մլն 500 հազար դրամով։

Տպավորություն է, թե Էդուարդ Խաչատրյանը մեքենաների առքուվաճառքի բիզնեսով է զբաղված եղել:

Նշենք, որ Էդուարդ Խաչատրյանի բանկային հաշիվների մնացորդը կազմել է 1 մլն 707 հազար դրամ, կանխիկ դրամական միջոցները՝ 2 մլն դրամ: Նրա հաշվետու տարվա եկամուտը կազմել է 17 մլն 420 հազար դրամ, որից 4 մլն 420 հազար դրամը աշխատանքի վարձատրություն է ՀՀ ԱԺ փորձագիտական վարչության պետաիրավական փորձաքննությունների բաժնից։ Այսինքն՝ պատգամավորի որդին աշխատում է ԱԺ-ում»:

Մանրամասները՝ «Ժողովուրդ» օրաթերթի այսօրվա համարում։

Այս թեմայով ՄԻԵԴ-ը մերժել է Գագիկ Խաչատրյանի փաստաբանական թիմի կողմից ներկայացված միջանկյալ միջոց կիրառելու պահանջը Լուրջ կասկածներ ունեմ, որ ողջ այդ բառակույտի կնքահայրն անձամբ Նիկոլն է. Արմեն Հովասափյան Մեղադրական եզրակացությունը, որը ես եմ ստացել, համապատասխան չէ օրենքի պահանջներին. Արմեն Աշոտյան 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան Վիրավոր իմ Հայաստան, դու դեռ ուղղելու ես քո ողնաշարը