ՔՊ-ն դեմ քվեարկեց բռնի տեղահանված արցախցիների հարցով քննիչ հանձնաժողով ստեղծելուն (տեսանյութ)

ԱԺ «Քաղաքացիական պայմանագիր» խմբակցությունը դեմ քվեարկեց Բռնի տեղահանված և ՀՀ տեղափոխված ԼՂ ժողովրդի հարցով քննիչ հանձնաժողովի ստեղծելուն: Ընդդիմության առաջարկը մերժվեց:

ԱԺ ՔՊ խմբակցության ղեկավար Հայկ Կոնջորյանը և հայտարարեց՝ իրենք դեմ են քվեարկելու նախագծին` հիշեցնելով, որ Կառավարությունը տարբեր ծրագրեր է իրականացրել ԼՂ-ից բռնի տեղահանված մեր հայրենակիցների համար. 

«Մենք, երեկ լսելով հիմնական զեկուցողին, չտեսանք փաստարկված հիմնավորում` ինչու են պետք այս հարցերի պատասխանները ստանալ հենց քննիչ հանձնաժողովի ստեղծմամբ: Հիմնավորումները մեզ համար բավականաչափ փաստարկված չէին, հետևաբար ՔՊ-ն դեմ է քվեարկելու այս նախագծին»,- հայտարարեց Կոնջորյանը:

Ի պատասխան` Նախագիծը երեկ զեկուցող «Հայաստան» խմբակցության քարտուղար Արծվիկ Մինասյանը նշեց.

«Քաղաքական մեծամասնությունը փորձում է հրաժարվել սահմանադրական պարտականությունների կատարումից: Եթե բավարար չափով հիմնավորումներ չեք լսել, դա դեռ չի նշանակում, թե փաստարկված չէ: Պառլամենտը պարտավոր է իրականացնել արդյունավետ վերահսկողություն: Հիմա եթե չեք մասնակցելու, դուք տորպեդահարում և հրաժարվում եք սահմանադրական ձեր լիազորություններից»,- ասաց Մինասյանը:

Նախագծին դեմ քվեարկեց ՔՊ-ն և նախագիծը չընդունվեց:

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Թրամփ. Ես գիտեմ Ուկրաինայում բռնի զորահավաքի մասին Արցախը այլևս գոյություն չունի, հետևաբար Արցախի ԱԺ-ն էլ որևէ գործունեություն իրականացնելու իրավունք չունի, միանգամայն հիմնավոր չէ