UBPay-ի դրամական փոխանցումներն արդեն հասանելի են Յունիբանկի մոբայլ հավելվածում

UBPay հայաստանյան դրամական փոխանցումների վճարահաշվարկային համակարգն ու Յունիբանկը հայտարարում են Հայաստանից Ռուսաստան և հակառակ ուղղությամբ UNIMobile  հավելվածի միջոցով դրամական փոխանցումների մեկնարկի մասին։

Ծառայությունից օգտվելը շատ հարմար է։ UNIMobile հավելվածում հարկավոր է բացել «Միջազգային փոխանցումներ- UBPay» բաժինը, ապա ընտրել՝ «Ուղարկել փոխանցում» կամ «Ստանալ փոխանցում», և լրացնել անհրաժեշտ տվյալները: Փոխանցում իրականացնելու  համար բավարար է իմանալ ստացողի անուն-ազգանունն ու հայրանունը և նշել արժույթն ու գումարի չափը։

Հայաստանից փոխանցումը հնարավոր է իրականացնել ՀՀ դրամով և ռուբլով, իսկ Ռուսաստանում ստանալ ռուբլով։ Միջնորդավճարը կազմում է 0%, եթե փոխանցվող գումարի արժույթը տարբեր է տրամադրման գումարի արժույթից, և 1%, եթե արժույթը չի փոխարկվում: Մեկ փոխանցման առավելագույն գումարը կազմում է 5 մլն ՀՀ դրամ կամ 500 000 ռուբլի։

Հայաստանում փոխանցումը կարելի է ստանալ բանկային հաշվին, քարտին կամ կանխիկ:  Փոխանցումը մոբայլ  հավելվածով ստանալու համար անհրաժեշտ է մուտքագրել նույնականացման կոդը, նշել գումարի չափն ու արժույթը՝ ՀՀ դրամ կամ ռուբլի, ապա ընտրել բանկային հաշվեհամարը կամ քարտը, որին փոխանցվելու են դրամական միջոցները։

Հաճախորդների համար միջազգային փոխանցումներն ամենապահանջված ծառայություններից են, և Յունիբանկի համար չափազանցած կարևոր է հաճախորդներին առաջարկել առավել շահավետ պայմաններ, ինչպես նաև հարմարավետ և ժամանակակից սպասարկում։ Բանկը, UBPay-ի հետ համատեղ, հետևողականորեն կընդլայնի միջազգային  փոխանցումների աշխարհագրությունը՝ ապահովելով դրամական փոխանցումների պարզ, արագ և հարմար տարբերակ։

Յունիբանկի մոբայլ հավելվածը հասանելի է հայերեն, ռուսերեն և անգլերեն լեզուներով։ UNIMobile հավելվածը կարող եք ներբեռնել App Store-ից և Google Play-ից։

Այս թեմայով Յունիբանկն ու «Վանք» հիմնադրամն աջակցել են անվասայլակով բասկետբոլի ցուցադրական խաղի անցկացմանը Յունիբանկը և Unisport ակումբը մասնակցել են «Tricolor» Yerevan Beat Run վազքին Յունիբանկն ու Wildberries-ը գործարկել են ապառիկ գնումների ծառայություն Moody’s Ratings-ը վերահաստատել է Յունիբանկի B1 վարկանիշը՝ կայուն հեռանկարով Յունիբանկը չի բարձրացնի անշարժ գույքի գրավով վարկերի հաստատուն ճշգրտվող տոկոսադրույքները