Մոսկվան կհավատա՞ Արսենյանի «արցունքներին». ԶԱՐՄԱՆՔ

Ռուսաստանում Հայաստանի նոր դեսպան ԳՈՒՐԳԵՆ ԱՐՍԵՆՅԱՆԸ ցնցող հայտարարությամբ է հանդես եկել՝ ՌԴ Դաշնային խորհրդի միջազգային հարցերի հանձնաժողովի նախագահ Գրիգորի Կարասինի հետ հանդիպմանը: Նա մասնավորապես ընդգծել է. «Ես եկել եմ, որպեսզի այս անհանգիստ ժամանակաշրջանում ջանքեր ներդնեմ՝ հարթելու հայ-ռուսական հարաբերությունները, դրանք բերելու այն մակարդակի, որը կբավարարի մեզ»: Ինչ խոսք, հուզիչ է, բայց քաղաքագետ Գագիկ Համբարյանը նկատում է. «Հակառուս Գուգոն գնացել է Մոսկվա կարգավորելու իրենց իշխանության պատճառով փչացած հայ-֊ռուսական հարաբերությունները... Սա լրիվ հիշեցրեց մի պատմություն, երբ մարդամեկը Շիրակի մարզի բուհերից մեկում ռեկտոր էր նշանակել հայտնի կաշառակեր մի այլասերվածի, ով եկել էր այդ բուհ կաշառակերության դեմ պայքարելու խոստումով... Դե դրան նշանակող «միամիտն» էլ հավատացել էր... Հիմա էլ քայլիստ Գուգոն է իր խոստումներով... »: Տեսնենք Մոսկվան կհավատա՞ Արսենյանի «արցունքներին»

Հարցի վերաբերյալ, թե ով է նշանակվելու արդարադատության նախարար, քննարկումները հասել են զավեշտի: Այդ շարքում քննարկվում է անգամ ՔՊ-ական պատգամավոր ԱՐՓԻ ԴԱՎՈՅԱՆԻ թեկնածությունը: Անդրադառնալով վերոնշյալին՝ փաստաբան Արսեն Բաբայանը հարց է բարձրացնում. «Ես իսկապես չեմ հասկանում՝ լո՞ւրջ եք, ասում, որ Արփի Դավոյանին արդարադատության նախարար նշանակելու հարցն է քննարկվում։ Դա իրո՞ք հնարավոր է…Իսկապե՞ս նման քննարկում գոյություն ունի: Անկեղծ եմ ասում, արդեն չեմ հասկանում՝ այսինքն` ո՞նց թե քննարկվում է։ Ի՞նչն եք քննարկում։ Արփի Դավոյանին պետք է նշանակել ու վերջ, սրանում որեւէ քննարկման առիթ չկա։ Արփի Դավոյանին նշանակել արդարադատության նախարար եւվերջ: Զրո քննարկում…»։ Հումորը հումոր, բայց համաձայնեք, որ սա աբսուրդ է, կադրային «Չքաղաքականություն»:

ԱԺ «Քաղաքացիական պայմանագիր» խմբակցության պատգամավոր ՀՈՎԻԿ ԱՂԱԶԱՐՅԱՆԸ, ըստ NEWS.am-ի տեղեկությունների, հայտնվել է կոռուպցիոն սկանդալի կենտրոնում: Խոսքը Հայաստանից սահմանված ընթացակարգերի խախտմամբ մանր եղջերավոր անասուններ արտահանելու հարցում թույլ տրված ենթադրյալ հովանավորչության դեպքի մասին է, որն առնչվում է պատգամավորի անվան հետ: Աղբյուրը նշում է, թե դեպքի առնչությամբ քրեական վարույթ կա հարուցված: Ասեք, որ զարմանալի հեռատես է Աղազարյանը, որը ժամանակին՝ ի լուր ամենքի ասում էր. «Կինքնահրկիզվեմ, եթե պարզվի Նիկոլ Փաշինյանը կոռուպցիոն սխեմաներում է»: Իսկ թե ինչ կլինի, եթե պարզվի, որ հենց ինքն է կոռուպցիոն սխեմաներում, ՔՊ-ական ակտիվ պատգամավորն այդ հարցում ռադիկալ քայլերի խոստում, կարծես թե, չի տվել:

Ուշագրավ հայտարարությամբ է հանդես եկել իրավագիտության դոկտոր, պրոֆեսոր, ՀՀ վաստակավոր իրավաբան ԱՐԹՈՒՐ ՂԱՄԲԱՐՅԱՆԸ: Նա ընդգծել է, որ Անկախության հռչակագիրը կարող է կորցնել իր ուժը միայն փաստացի, երբ պետությունը փլուզվում է (զավթվում է), դադարում է գոյություն ունենալ. «Իսկ պետության անկումը ժամանակի ընթացքում անխուսափելիորեն տեղի կունենա, եթե երիտասարդության գիտակցության խորքերում ներդրվի եւ ամրապնդվի Անկախության հռչակագրի դադարեցման մասին գաղափարը, եթե Հռչակագրի «մահվան» մասին գաղափարը վերածվի նրա ներքին-զգայական իրավունքի (կանոնի)։ Այսպիսով՝ որեւէ մարմին, անկախ նրա որոշումներից եւ քաղաքական դիրքորոշումներից, ունակ չէ դադարեցնելու Անկախության հռչակագրի իրավաբանական ուժը կամ նվաստացնելու դրա արժեքը, քանի դեռ գոյություն ունի պետություն»։ Փաստորեն, մնում է հուսալ, որ դեռ պետություն գոյություն ունի…

Զարմացած է «Իրավունք»-ը

Այս թեմայով Թատրոնը երբեք այսքան պահանջված չի եղել, որքան այսօր․ Անդրեյ Վասիլեւ «Փաշինյանը տեղյակ ա, մեզնից փող են վերցրել», էսքանը որ ասեց, ասեցի՝ անհնար ա․ Աղազարյանի գործով նիստ Ամերիկյան նավթային ընկերությունները կարող են վերադառնալ Ռուսաստան. Financial Times 2027 թվականը ամեն ինչ կփոխի. ի՞նչ կբերի Հրե Այծի տարին և ինչի՞ պետք է պատրաստվել Պետք է քննարկել Շիրակի մարզպետ Դավիթ Առուշանյանի՝ Ռուսաստան մուտքն արգելելու հարցը․ Ջաբարով