Դավիթ Թուջարյանը որոշել է հանրությանը ներկայանալ նոր ոճով

Վերջերս «Իրավունք»-ին տված հարցազրույցում երգիչ ԴԱՎԻԹ ԹՈՒՋԱՐՅԱՆՆ ասել էր, որ պատրաստվում է նոր երգերով, տեսահոլովաներով եւ ոճով վերադառնալ մեծ բեմ: «Գտնվեցին մարդիկ, որ փորձում էին խանգարել եւ շեղել ինձ իմ երգարվեստից, սակայն ես վերադառնալու եմ նոր խոսքով, նոր երգերով»,- ասել էր երգիչը: Ասվածից ամիսներ անց՝ նա արդեն նորություն ունի. հանրության դատին է հանձնել իր նոր երգն ու նկարահանել տեսահոլովակ, որը կոչվում է «Սիրում եմ», ինչի մասին մանրամասներ ենք պարզել հենց նրանից:

— Դավիթ, ո՞ւմ մտահղացումն էր «Սիրում եմ» երգն ու տեսահոլովակը:

— Երաժշտության հեղինակը Հովհաննես Սայադյանն է, խոսքերի հեղինակը՝ Գայանե Հակոբյանը եւ Հովհաննես Սայադյանը: Ձայնագրությունը կատարել եմ իմ անձնական ստուդիայում՝ «D.T Spiritual Rec. Studio»-ում: Մտահղացումը թիմային էր: Սա ընկերոջս գրած երգն է, եւ այն վաղուց էի լսել: Այդպես որոշեցինք, որ թեթեւ տեսահոլովակ նկարահանենք: Որ ասեմ հատուկ սցենար էր գրվել, կամ եսիմ ինչ՝ ոչ, ուղղակի, սիրային երգ է, որտեղ տղան եւ աղջիկը ճանապարհ են գնում միասին: Տեսահոլովակում նկարահանվել է մոդել, դերասանուհի Միլենա Կազարյանը, իսկ բեք ոկալը, որն ընդամենը մեկ հատված է, կատարել է գործընկերուհիս: Տեսահոլովակը նկարահանվել է Գառնու ճանապարհին, որը տանում է դեպի Ազատի ջրամբար: Ինձ տափաստանային տեսարան էր հարկավոր, եւ այդ հատվածը վաղուց էի նկատել: Կարծում եմ՝ ստացվել է տեսարանը այնպես, ինչպես պատկերացնում էինք ողջ ստեղծագործական թիմով:

— Կարո՞ղ ենք ասել, որ ոճային փոփոխություն եք կատարել:

— Ես, առհասարակ, նախընտրում եմ լինել ունիվերսալ: Փորձում եմ մեր ժողովրդականից, էստրադայինից, մինչեւ այժմյան, թեկուզ մի քիչ թրենդի մեջ երգերին անդրադառնալ, բնականաբար, անպայման հաշվի առնելով` արդյո՞ք դա իմ կատարողական ոճին, կերպարին համահունչ է, թե՝ ոչ, ու եթե ես կհամարեմ, որ կարողանում եմ տվյալ երգը ոճային կատարել, ապա՝ ինչո՞ւ ոչ:

— Այս տեսահոլովակը կարո՞ղ է լինել Ձեր վերադարձի սկիզբը:

— Թերեւս այսպես կպատասխանեմ՝ փորձում եմ տեմպն ու հաճախականությունը պահել: Թե որքանով կարդարացվի ու կընդունվի, թե որքանով նոր ու հին լսարանը կգումարվի իրար, եւ կսկսեն կրկին լսել ինձ, դա էլ ընթացքում կերեւա: Ամեն դեպքում, ինձնով տարված չեմ այդ աստիճան, որ վստահ ասեմ, թե հիմա արդեն պետք է սկսեն ինձ լսել առաջվա նման:

— Ինչո՞ւ եք համեստություն անում:

— Այսօր մենք շատ բարձր որակի երգիչներ ունենք, ովքեր հրաշք կատարողականությամբ երաժշտական գործեր են ներկայացնում: Խոսքս վերաբերում է մեր արվեստագետներին, որոնց, ցավոք, այսօրվա սերունդը չի լսում: Նրանց լսում են զուտ երաժշտական ոլորտը հասկացողներն ու գնահատողները: Ես ինքս միշտ լսում եմ նրանց: Ու անգամ իրենք չունեն այդ լսարանը, ու չեմ ցանկանում վստահ ասել, որ հիմա ինձ կսկսեն լսել, բայց փորձում եմ ինչ-որ քայլեր անել, եւ տեսնենք, թե հանրության որ լսարանն ավելի կնախընտրի այս ոճը, կամ մյուս ոճը, որովհետեւ ոճերը տարբեր են լինելու, ու ուղղվածությունն էլ լինելու է բազմազան: Ես սիրում եմ բազմաբովանդակ լինել, ու դա ինձ դուր է գալիս: Եվ եթե ընթացքում տեսնեմ, որ ինչ-որ մի ոճ հանդիսատեսը ավելի է նախընտրում, դրա վրա էլ կկենտրոնանում, գուցե թեթեւակի շեշտը դնեմ դրա վրա:

— Մոտ ապագայում սպասե՞նք նոր տեսահոլովակի:

— Այո, նոր երգեր կան, որոնք պետք է նկարահանվեն, ձայնագրվեն եւ կրկին հանձնվեն հանդիսատեսի դատին: Կարծում եմ՝ ամիսը մեկ կամ երկու ամիսը մեկ նորությունով հանդես կգամ, կրկին թեթեւ երգերով, տեսահոլովակներով: Ցանկանում եմ իմ խորին շնորհակալությունը հայտնել իմ թիմին, որ միասին աշխատեցինք, որովհետեւ միայնակ հնարավոր չէ անել ցանկացած գործ:

ՆԱՆԱ ՍԱՐԳՍՅԱՆ

Այս թեմայով Արարատում ծեծկռտուքի գործով կալանավորվել է Մասիսի նախկին քաղաքապետ Դավիթ Համբարձումյանի եղբայրը. Armlur Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Դավիթ Համբարձումյանը դիմել է «Վեոլիա Ջուր» ընկերությանը բաց նամակի տեսքով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր