Ձվի ամենօրյա օգտագործումը կարող է նվազեցնել դեմենցիայի առաջացման հավանականությունը. Nutrients

Վերջերս կատարված հետազոտությունում, որի արդյունքները հրապարակվել են Nutrients ամսագրում, գիտնականներն ուսումնասիրել են ձվի օգտագործման եւ դեմենցիայի միջեւ կապը մեծահասակ չինացիների շրջանում։

Հետազոտողները հավաքել են 233 մարդու, որոնց մոտ ախտորոշվել է դեմենցիա, եւ 233 մարդու «վերահսկիչ» խմբում, որոնց մոտ, ինչպես հաստատվել է, դեմենցիա չի եղել, եւ նրանք բոլորը մեծ էին 50-ից։

Հետազոտության մասնակիցները տրամադրել են տեղեկություն իրենց հիվանդության պատմության, կենսակերպի մասին եւ ժողովրդագրական տվյալներ։ Նրանց կողմից ձվի օգտագործումն օրական, շաբաթական եւ ամսական երկու անգամից քիչ չպետք է լիներ։

Այնուհետեւ օգտագործվել է վիճակագրական մոդելավորում դեմենցիայի եւ ձվի օգտագործման միջեւ փոխկապվածությունը գնահատելու եւ հավանականության գործակիցը հաշվարկելու համար՝ հաշվի առնելով սնվելու այլ առանձնահատկությունները, առողջական վիճակը, կենսակերպը, սոցիալ-տնտեսական կարգավիճակը, սեռը եւ տարիքը։

Բոլոր 466 մասնակիցների միջին տարիքը կազմել է 73,6։ Մասնակիցների 63,5 տոկոսը կանայք էին, մինչդեռ 57,7 տոկոսը տեղեկացրել է, որ միջինից ցածր կրթություն ունի։

Դեմենցիայով տառապող խմբի մասնակիցները ավելի մեծ էին եւ, որպես կանոն, ավելի ցածր եկամուտներ եւ կրթություն ունեին։ Նրանք նաեւ ավելի շատ են ծխել, ավելի քիչ հրաժարվել ալկոհոլից կամ թույլ ոգելից խմիչքներից, Պարկինսոնի հիվանդություն, ուղեղի վնասվածքներ, ինսուլտ եւ սրտային հիվանդություններ են ունեցել։ Նրանք տեղեկացրել են, որ ավելի շատ կարմիր միս, ավելի քիչ մրգեր, բանջարեղեններ, թռչնամիս եւ ձուկ են օգտագործել։

Ինչ վերաբերում է ձվի օգտագործման հաճախակիությանը, պարզվել է, որ մասնակիցների 3 տոկոսից քիչն է օգտագործել ձու օրը երկու անգամ, այն դեպքում, երբ 35 տոկոսն՝ ամեն օր, 36,7 տոկոսը՝ ամեն շաբաթ, 12 տոկոսը՝ ամեն ամիս, իսկ 13,5 տոկոսը՝ կամ օգտագործել է դրանք ամիսը մեկ անգամից քիչ, կամ առհասարակ չի օգտագործել։

Հետազոտության արդյունքները ցույց են տվել, որ ձվի ամենօրյա օգտագործումը կարող է նվազեցնել դեմենցիայի առաջացման հավանականությունը, բայց ձվի չափից շատ օգտագործումը (օրը երկու անգամից շատ) կամ դրանից հրաժարումը էական էֆեկտ չեն ցուցադրել։

Այս թեմայով ՇՏԱՊ. Մինչեւ քրեական պատասխանատվության հարցի պատշաճ լուծումը, անձի հանձնումը պետք է հետաձգվի. Հայտնի փաստաբանը ադրբեջանցի զինվորի վերաբերյալ Իշխանությունը մեզ պրոռուսականի պիտակ է կպցնում․ մենք Ղրիմը ՌԴ-ի կազմում չենք ճանաչում․ Աննա Գրիգորյան ՀՀ-ի՝ TRIPP-ից շրջանառության օգուտը կարող է կազմել 10 միլիոն դոլար, որը հավասար է մի խանութի տարեկան շրջանառության․ Հրանտ Միքաելյանը փակագծեր է բացում Երբ լռում է դատական դահլիճը, մնում է ամենակարևոր հարցը՝ ի՞նչ եղավ մարդու ճակատագիրը. Բացառիկ զրույց հայտնի իրավապաշտպանի հետ Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով