Համացանցում գործում են միջազգային խմբավորումներ. Ահազանգում է տեղեկատվական անվտանգության փորձագետը

Վերջին շրջանում ֆիննանսական եւ բանկային համակարգ ներթափանցած խարդախների մասին են ահազանգում ոչ միայն հայաստանյան, այլ օտարերկրյա փորձագետները։ Ովքե՞ր են հիմնականում վերջիններիս թիրախում եւ ո՞ր երկրներից ՀՀ ներթափանցած ֆիննանսական խարդախները «Իրավունքին» մանրամասներ է ներկայացրել Friend ընկերության տնօրեն, տեղակատվական անվտանգության փորձագետ Արսեն Լեւոնյանը.

- Այո, վերջին շրջանում բանկային համակարգում խարդախությունների դեպքերը ավելացել են ինչպես Հայաստանում, այնպես էլ ամբողջ աշխարհում: Ֆինանսական խարդախները հիմնականում թիրախավորում են այն օգտատերերին, ովքեր անփորձ են կամ քիչ տեղեկացված ֆինանսական և տեխնոլոգիական հարցերում: Նրանց գործողությունները հաճախ իրականացվում են կեղծ վեբ կայքերի, էլեկտրոնային առևտրային հարթակների և ֆիշինգային նամակների միջոցով, որոնց միջոցով ստանում են օգտատերերի բանկային տվյալները և գումարները:

Հայաստանի օգտատերերը հաճախ ենթարկվում են նմանատիպ հարձակումների՝ հատկապես այն դեպքերում, երբ համակարգչային ծրագրային ապահովումը նորացված չէ: Հիմնականում օգտագործվում են բանկային տրոյանական ծրագրեր, որոնք գողանում են բանկային քարտերի տվյալները։

Տեղեկատվական փորձագետը նշում է.
- Խարդախների մեծ մասը համացանցում գործող միջազգային խմբավորումներ են, որոնք մասնագիտացած են կեղծ ներդրումային նախագծերի, կեղծ Ֆորեքս առևտրային հարթակների ստեղծման և այլ ֆինանսական մանիպուլյացիաների մեջ։

Այսօր հիմնականում նման խարդախություններն իրականացվում են առցանց՝ օգտագործելով մեսենջերներ, կայքեր և ինտերակտիվ հարցումներ, որոնք ներգրավում են օգտատերերին, իսկ հետո ստանում են նրանց տվյալները՝ ներքաշելով անօրինական սխեմայի մեջ։

Այս թեմայով Կրակովում զանգվածային սպանդ իրականացրած ահաբեկիչը կրում էր ամերիկյան մասնավոր ռազմական ընկերության զինանշանը «Daroink» ընկերության տնօրենը ոչ սթափ վիճակում բախվել է 4 մեքենայի, ապա՝ շինհրապարակի տեխնիկային Մոլի ընդհանուր անվտանգությունը չի կարող փոխարինել կենսաչափական տվյալների հատուկ պաշտպանությանը Նիկոլ Փաշինյանը մասնակցում է «ՀայՓաս» ընկերության Երևան մոլի նոր գրասենյակի բացման արարողությանը․ ուղիղ Այսօր հայազգի բարերար երջանկահիշատակ Կառլեն Եսայանի միակ սիրո 80-ամյակն է