Հետմահու կրկին մեռավ Հայաստանում ժողովրդավարությունը. ԶԱՐՄԱՆՔ

Ուշագրավ հայտարարությամբ է հանդես եկել ռուսաստանաբնակ քաղակտիվիստ ԱՐԹՈՒՐ ՂԱԶԱՐՅԱՆԸ: Նա մասնավորապես պարզաբանել է, թե ինչու է հիմա ՀՀ երկրորդ նախագահ Ռ. Քոչարյանին դեմ, երբ համարվում էր նրա աջակիցներից: «Քոչարյանին աջակցել եմ, երբ իմ ընտրած նախագահ Վլադիմիր Պուտինն էր բացեիբաց աջակցում Քոչարյանին, Քոչարյանն ամեն առիթով խոսում էր Ռուսաստանի հետ լավ հարաբերություններից, բայց ինչպես ժամանակը ցույց տվեց, դա լավ տակտիկա էր՝ ընտրություններից առաջ ստանալ ռուսամետների ձայները եւ ընտրություններից հետո գնալ տուն, իսկ ԱԺ անցած ուսապարկերին գործուղել ԱՄՆ դեսպանատուն հրահանգավորվելու»,- ասում է Ղազարյանը: Ըստ նրա` վերջին տարիներին Քոչարյանը քաղաքականությամբ է զբաղվում միայն դատարանների տարածքում: Ղազարյանն էլ իմաստ չի տեսնում աջակցել ո՛չ Քոչարյանին, առավել եւս՝ իր թիմին, որոնց համարում է ԱՄՆ դեսպանատան հաճախորդներ: «Ովքեր ռուսամետ են, հեռու մնացեք ե՛ւ Քոչարյանից, ե՛ւ իր թիմից, նրանք Արեւմուտքին են ծառայում»,- զգուշացնում է Ղազարյանը: Հետաքրքիր է՝ հայաստանյան ընդդիմադիրների շարքերում կգտնվի՞ նույնքան ազնվություն՝ այս դառը ճշմարտությունը բարձրաձայնելու համար:

Զարմանալի տեղեկություններ կան ՁՊՎ-ից՝  ձերբակալվածների պահելու վայրից: Պարզվում է՝ նույն կասկածով ու օպերատիվ տվյալներով՝ բերման են ենթարկվել շուրջ 9 ընդդիմադիր հայացքներ ունեցող քաղաքացի, որոնց թվում կա նաեւ պատերազմում զոհվածի հայր: Ի՞նչ է տեղի ունեցել, մանրամասնում է «Հայաստան» խմբակցության պատգամավոր Գեղամ Մանուկյանը. «Բոլորին էլ բերման են ենթարկել, ձերբակալել անօրինական նույն սցեարով՝ կանգնեցնում են մեքենաները, թե օպերատիվ տեղեկություններ կան անօրինական զենք պահելու մասին։ Մի ողջ օր ձգձգում են մեքենայի խուզարկությունը, հետո այդ տեղեկության հերքման դեպքում կամ ազատ են արձակում, կամ քննիչները, օգտվելով 72 ժամ ձերբակալելու իրենց իրավունքից, անհարկի շարունակում են ընդդիմադիր գործիչներին զրկել ազատությունից»։ Ի՞նչ ասես, այսպես էլ հետմահու կրկին մեռավ Հայաստանում ժողովրդավարությունը:

Բայց սա ամենը չէ, Կենտրոն վարչական շրջանի նախկին ղեկավար ՎԻԿՏՈՐ ՄՆԱՑԱԿԱՆՅԱՆՆ էլ նույն թեմայի շրջանակում այլ ոչ միայն զարմանալի, այլեւ զարհուրելի մանրամասներ է հաղորդում: «Ձերբակալել են Կոնսերվատորիայի լավագույն ուսանողներից մի քանի հոգու, նաեւ դպրոցահասակ աղջիկներին անձնական զննություն են ենթարկել, այնուհետեւ նրանց տարել ոստիկանություն՝ զենք ունենալու կասկածանքով», - նշել է նա: Մնացականյանը եկել է եզրահանգման, որի հետ, իսկապես, դժվար է չհամաձայնել՝ եթե այսօրվա իշխանությունը նման հակադեմոկրատական քայլերի է գնում, ուրեմն՝ իրոք իրենց վիճակը լավ չէ...

Ապշեցնող մի ահազանգ էլ Հայոց ցեղասպանության թանգարան-ինստիտուտի նախկին տնօրեն ՀԱՅԿ ԴԵՄՈՅԱՆՆ Է հնչեցրել: Նա ասում է, թե՝ վերջին օրերին ադրբեջանական հակահայ քարոզչությանը փաստացի նպաստելու նպատակով՝ Փաշինյանի կողմից Գիտությունների ակադեմիայի Հնագիտության ու ազգագրության ինստիտուտի գիտաշխատողներին քննադատելու համար, պետք է ենթադրենք, որ կառավարությունը ԿԳՄՍ-ի միջոցով որպես բարոյահոգեբանական աջակցություն խոշոր պետական դրամաշնորհ կհատկացնի ազգագրագետներին` տարած հոգեցնցումները մեղմացնելու համար: «Լրագրողներին առաջարկում եմ ուշիուշով հետեւել ադրբեջանական քարոզչության օգտին աշխատող «Հազարաշեն» ՀԿ-ի ու վերանշյալ ինստիտուտի դրամական շարժերին՝ ի հաշիվ հարկատուների գումարների տրվելիք հնարավոր դրամաշնորհների փաստն արձանագրելու համար», - ասում է Դեմոյանը:

Այս թեմայով Բաբուխանյանը բարձրացրեց Արցախի օկուպացված քաղաքների հարցը «Ժողովուրդ». Այսօր կորոշեն Հայկ Սարգսյանի ճակատագիրը ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է ՔՊ-ի կեղտոտ սպիտակեղենը փռել են արեւին «Ժողովուրդ». Քննարկվում է Ավետ Կոնջոյանին և Հայկ Սարգսյանին ՔՊ-ից հեռացնելու հարցը