Թատրոնը ոչ միայն արվեստ է, այլ նաեւ երկխոսության եւ փորձի փոխանակման հնարավորություն. Ռիժակով

Այսօր Հակոբ Պարոնյանի անվան երաժշտական կոմեդիայի պետական թատրոնում տեղի ունեցավ Միջազգային թատերական ակուստիկ դպրոցի վերջին ակորդը, որի մասնակիցները տարբեր երկրներից միավորվեցին՝ ստեղծելով ներկայացում Վիկտոր Ռիժակովի ղեկավարությամբ։ Ներկայացման թեման՝ թռչունն էր՝ իր բոլոր դրսևորումներով:

Հայաստանի թատերական գործիչների միության նախագահ Հակոբ Ղազանչյանը կարևորել է միջազգային համագործակցությունը թատրոնում և ընդգծել, թե ինչպես է ստեղծագործությունը միավորում մարդկանց։

Մոսկվայի Ա.Պ. Չեխովի անվան միջազգային թատերական փառատոնի գլխավոր տնօրեն, Խաղաղօվկիանոսյան միջազգային թատերական փառատոնի ղեկավար և Թատերական միությունների միջազգային համադաշնության փոխնախագահ-գլխավոր քարտուղար Կարինա Ծատուրովան շնորհակալություն է հայտնել ՀԹԳՄ-ին և Հ. Պարոնյանի անվան թատրոնին՝ աջակցության և այս նախագիծն իրականացնելու հնարավորության համար։

Միջազգային թատերական ակուստիկ դպրոցի դասախոսական խմբի ղեկավար, ռուս հանրահայտ ռեժիսոր, ժողովրդական արտիստ, պրոֆեսոր Վիկտոր Ռիժակովը շնորհակալություն է հայտնել մասնակիցներին՝ աշխատանքի և ոգեշնչման համար: Նա նշել է, որ թատրոնը ոչ միայն արվեստ է, այլ նաև երկխոսության և փորձի փոխանակման հնարավորություն։

Այսպիսով, միջոցառումը դարձավ ոչ միայն մշակութային, այլ նաև նոր գաղափարների և համատեղ ստեղծագործական գործունեության հարթակ։

Այս թեմայով Էրդողանը մեկնել է Ադրբեջան՝ մասնակցելու «Հաղթանակի օրվա» միջոցառումներին Հայաստանի կառավարությունը երբեք չի մտնի մի պրոցեսի մեջ, որը դեմ է Իրանին կամ մյուս հարևան երկրներին. Սիմոնյան «Ըմբոստ թռչնակ»-ով մեկնարկում է 18-րդ «ՌեԱ» միջազգային փառատոնը Հայաստանի ազգային հրավիրված ֆուտբոլիստների ցանկը Քննչական կոմիտեի նախագահի հայտարարությունը նույնպես հուշում է՝ Նիկոլի կամոք Մուսաեւը կարտահանձնվի Ադրբեջանին