ՀՀ-ն ևս 50 մլն եվրո վարկ կվերցնի

Հայաստանը ևս 50 մլն եվրո վարկ կվերցնի որպես բյուջետային աջակցություն։ ՀՀ կառավարության այսօր նիստում հավանություն տվեց ՀՀ-ի և ՕՊԵԿ-ի (Նավթ արտահանող երկրների կազմակերպություն) միջազգային զարգացման հիմնադրամի միջև «Կանաչ, դիմակայուն և ներառական զարգացման 2-րդ ծրագիր» վարկային համաձայնագրի վավերացմանը։

Համաձայնագիրը ստորագրվել է 2024 թ. նոյեմբերի 12-ին։

«Ծրագրի նպատակն է խթանել Հայաստանում կանաչ, դիմակայուն և ներառական զարգացումը՝ նպաստելով կլիմայի փոփոխության մեղմացմանն ու հարմարվողականությանը, բարելավելով շրջակա միջավայրի կառավարումը և էներգաարդյունավետությունը, խթանելով մարդկային կապիտալի զարգացումը, ինչպես օրինակ` Լեռնային Ղարաբաղի փախստականների նոր խոցելի խմբի կարիքների աջակցությունը»,- ասված է որոշման հիմնավորման մեջ։

Ստորագրված վարկային համաձայնագիրը, որը ՀՀ պետական բյուջեի համար առաջացնում է լրացուցիչ ֆինանսական պարտավորություններ, կներկայացվի ՀՀ սահմանադրական դատարան` Սահմանադրությանը համապատասխանությունը որոշելու նպատակով: Սահմանադրական դատարանում ՀՀ կառավարության ներկայացուցիչ է նշանակվել ֆինանսների նախարարի տեղակալ Էդուարդ Հակոբյանը:

ՍԴ-ից հետո, ըստ ընթացակարգի, համաձայնագիրը կներկայացվի Ազգային ժողովի քննարկմանը։

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար «Ժողովուրդ». Հովիկ Աբրահամյանի եղբայրը Հակակոռուպցիոն կոմիտեում ինքնախոստովանական ցուցմունք է տվել Ունի Հայաստանը գազի այլընտարանք. Մեկնաբանում է տնտեսագետը Երկրները հիմնականում պարտք վերցնում են ճգնաժամերի ժամանակ, իսկ եթե տեղի ունենա այդ ճգնաժամը, ապա այստեղ մենք արդեն ավելի խոցելի ենք լինելու ՀԷՑ-ի գրավադրման ոդիսականը եւ Կառավարության ժառանգած վարկային պարտավորությունը