Հայ-չինական հարաբերությունները ունեն զարգացման մեծ ներուժ

Այսօր  ՍԻՄ կուսակցության գրասենյակում  կուսակցության նախագահ Հայկ Բաբուխանյանը ընդունեց  Չինաստանի  գործարարների պատվիրակությանը, որը գլխավորում է Միջազգային բարեկամության աջակցության  Համաչինական Ասոցիացիայի  խորհրդական,  պրոֆեսոր Գե Ջիլին: Պարոն Ջիլին նաեւ հանդիսանում  է Չինաստանի պետական խորհրդի տնտեսական բարեփոխումների եւ գործարարության զարգացման  կոմիտեի խորհրդական:

Զրույցի ընթացքում Հայկ Բաբուխանյանը ներկայացրեց  ՍԻՄ կուսակցության դիրքորոշումը հայ-չինական հարաբերությունների եւ ընդհանրապես համաշխարհային իրավիճակի  եւ բարդ խնդիրների վերաբերյալ: Նա ներկայացրեց հյուրերին  Հայաստանի աշխարհաքաղաքական խնդիրները եւ տնտեսական իրավիճակը: «Չինաստանը մեզ համար բարեկամ երկիր է: Հայ-չինական հարաբերությունները ունեն զարգացման մեծ ներուժ, թե՛ քաղաքական, թե՛ տնտեսական եւ թե՛ հումանիտար ոլորտներում»,- իր խոսքում նշեց ՍԻՄ կուսակցության նախագահը:

Չինական պատվիրակության ղեկավարը նշեց, որ իրենց  այցի  հիմնական նպատակն է ծանոթանալ Հայաստանի տնտեսությանը եւ  հայ-չինական տնտեսական կապերի ընդլայնման  հնարավորություններին: Բացի այդ,  ԳԵ Ջիլին  կարեւորեց ժողովրդական դիվանագիտության դերը  երկրների միջեւ  հարաբերությունների զարգացման մեջ. «Մենք առաջին անգամ ենք Հայաստանում: Հետաքրքրությամբ ուսումնասիրում ենք  ոչ միայն ձեր տնտեսական հնարավորությունները, այլեւ մշակույթը, ավանդույթները, խոհանոցը եւ այլն: Չինաստանում քիչ գիտեն Հայաստանի մասին, իսկ Հայաստանում` Չինաստանի մասին: Այդ բացը լրացնելու համար մենք մեր համեստ ներդրումը պետք է ունենանք եւ դա մեր պատվիրակության առաքելության նպատակներից մեկն է»:

Գե Ջիլին նշեց, որ իրենք այցելել են մի շարք  հայկական  արդյունաբերական  հիմնարկներ, ծանոթացել դրանց աշխատանքին եւ կիսվեց իր տպավորություններով:

Կողմերը պայմանավորվեցին շարունակել իրնեց համագործակցությունը:

Սեփ. լրատվություն

Այս թեմայով Իրանը պատրաստվում է Եվրոպայում ամերիկյան բազաներին հնարավոր պատասխան հարվածների. Սա ԱՄՆ-ի համար մեծ խնդիր է Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Նոյեմբերի 8-ի երեկոյան հանրապետության մեծ մասում ձյուն կտեղա Որ ուժերն են մասնակցում Կարապետյանի տան հավաքին «Հայ-թուրքական սահմանի բացումը հիմա նպատակահարմար չէ»․ թուրք վերլուծաբան