«Հպարտանում եմ». Գալուզինն ասել է` ինչ զգացողություններ է ունենում Երևան այցելելիս

Ռուսաստանն ու Հայաստանը միավորված են դարավոր ընդհանուր պատմությամբ, որում եղել են փառահեղ էջեր, այդ թվում` Հայրենական մեծ պատերազմում տարած ընդհանուր հաղթանակը: Այս մասին Մոսկվայում կայացած «Ռուսաստան–Հայաստան» երկրորդ հասարակական համաժողովի շրջանակում լրագրողներին ասել է ՌԴ փոխարտգործնախարար Միխայիլ Գալուզինը, հաղորդում է «Սպուտնիկ Արմենիան»։ 

«Երբ գալիս եմ Երևան, մեծ հպարտությամբ եմ նայում Իսակովի, Բաղրամյանի պողոտաներին.. Այսինքն՝ մեր ընդհանուր պատմությունը միշտ աչքի առաջ է, մեր սրտերում և մեր հիշողության մեջ», - ասել է Գալուզինը։

Նա վստահություն է հայտնել, որ ԱՊՀ, ՀԱՊԿ, ԵԱՏՄ բոլոր գործընկերներն ու դաշնակիցները 2025 թվականին ոգևորությամբ կնշեն մեծ հոբելյանը՝ Հայրենական մեծ պատերազմում տարած ընդհանուր հաղթանակի 80-ամյակը:

«Թեև Հայաստանը հիմնականում ներքաղաքական պատճառներով դադարեցրել է իր մասնակցությունը, ինչպես երեկ Աստանայում ասաց ՌԴ նախագահը։ Մենք ԱՊՀ անդամ ենք, և իհարկե հույս ունենք, որ այդ հարաբերությունները հետագայում էլ կզարգանան՝ ի շահ մեր ժողովուրդների, այլ ոչ թե կարգելակվեն», - ասել է Գալուզինը։

Նա նաև նշել է, որ ընթացիկ տարում ռուս-հայկական առևտրաշրջանառությունը կհասնի աննախադեպ ցուցանիշի՝ 15 մլրդ դոլարի: ՌԴ փոխարտգործնախարարը պարզաբանել է, որ երկկողմ համագործակցությունը բխում է երկու երկրների և ժողովուրդների շահերից, և այն պետք է օգտագործվի ի շահ երկու ժողովուրդների:

Այս թեմայով Օդաչուների խցիկից ճիչեր են լսվել, երբ դուռը բացել են, ներսում ամեն ինչ արյան մեջ է եղել. մանրամասներ՝ Flydubai-ի միջադեպից «Հրապարակ»․ Ինչ են նվիրել Արարատ Միրզոյանին Ռուսաստանը մտադիր է ոչնչացնել Ուկրաինայում ամեն ինչ ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով