Քաղաքապետարանից պահանջել են բունտ անող վարորդները ազատման դիմում գրել

Երևանի քաղաքապետարանը միջնորդավորված և ուղիղ տեքստով պահանջ է ներկայացրել  առավոտից բունտ անող և երթուղային գիծ դուրս չեկած ավտոբուսների վարորդներին՝ ազատման դիմումներ գրել և հեռանալ, այս մասին Եվրոմեդիայի 24 թղթակցին հայտնել են բունտ անող վարորդները:

Ավելին՝ քաղաքապետ  Տիգրան Ավինյանի խոսնակ Հայկ Կոտանյանն իր ֆեյսբուքյան էջով տարածած հաղորդագրության մեջ նաև սպառնացել է սոցիալական բունտ անող վարորդներին, թե քրեական պատասխանատվության կենթարկվեն:   

«Վերոնշյալ գործողություններին տրվելու է գնահատական աշխատանքային օրենսդրության շրջանակներում, ինչպես նաև դիմելու ենք պատկան մարմիններին՝ վերոնշյալ արարքներին պատշաճ քրեաիրավական գնահատական տալու նպատակով»,-ասված է Ավինյաի խոսնակի տարածած արձագանքում։

 «Հարկ ենք համարում հատուկ շեշտել․ ՀՀ աշխատանքային օրենսդրությամբ սահմանվում է, որ քաղաքային հասարակական տրանսպորտի կազմակերպության աշխատակիցները, գործադուլ իրականացնելու մասին առնվազն 14 օր առաջ պարտավոր են ծանուցել այդ մասին և անգամ այդ դեպքում պարտավոր են գործադուլի ընթացքում ապահովել նվազագույն պայմաններ, որոնք անհրաժեշտ են հասարակության անհետաձգելի կարիքները բավարարելու համար։

Տեղեկացնում ենք նաև, որ վերոնշյալ գործողություններին տրվելու է գնահատական աշխատանքային օրենսդրության շրջանակներում, ինչպես նաև դիմելու ենք պատկան մարմիններին՝ վերոնշյալ արարքներին պատշաճ քրեաիրավական գնահատական տալու նպատակով», այս մասին գրել է Հայկ Կոստանյանը՝ առանձնապես չանդրադառնալով հարցին, թե քանի վարորդ է գործադուլին միացել, ինչ միջոցների է դիմել Երևանի քաղաքապետարանը, որպեսզի լուսաբացից Երևանում կաթվածահար եղած երթեւության խնդրին լուծում տա և ինչ քայլեր է ձեռնարկվել երթւղայինից օգտվելու ներդրած նոր համակարգի  պատճառով վարորդների աշխատավարձերի հաշվվման մեթոդաբանությունից դժգոհ ամբողջ վարորդական 1200 հոգանոց կազմի հետ գնա կոմպրոմիսային լուծումների, որպեսզի սոցիալական բունտ չծագի, ինչն եղավ այսօր: Ընդգծենք Տիգրան Ավինյանը և որևէ տեղակալ փորձ չարեց անձամբ մոտենալ ավտոբուսների պարկի մոտ գործադուլ հայտարարած վարորդներին և տեղում պատասխաներ նրանց բարձրացրած մտահոգոթյուններին:

 Ի դեպ վարորդները չեն պատրաստվում ազատման դիմումներ գրել, նրանց հետ այս պահին բունտին մասնակցում են նաև Հայստան խմբակցության ավագանու անդամներ: 

Այս թեմայով «Լեվ Գրուպը» պատրաստ է աջակցել երեխայի կրթության հարցում՝ հոգալով նրա ուսման հետ կապված ծախսերը դպրոցում և հետագայում՝ բուհում Ինչու է ՔՊ-ն դանդաղում իր որոշումների մեջ.ո՞վ կասի.... Թրամփը կրկին պահանջել է, որ Զելենսկին դադարեցնի ռուսական նավթավերամշակման գործարաններին հարվածները. Axios ՇՏԱՊ. ՀՀ նախագահ անճանաչելիորեն փոխվել է. ՖՈՏՈ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով