ՇՏԱՊ. Տեղեկատվական անվտանգության հայտնի մասնագետը զգուշացնում է հերթական համացանցային «աֆյորաների» մասին

Friend ընկերության հիմնադիր ղեկավար, հայտնի տեղեկատվական անվտանգության փորձագետ Արսեն Լեվոնյանը տեղեկացնում է. 

-Արհեստական ինտելեկտի (AI) արագ զարգացումը բերել է բազմաթիվ նոր հնարավորությունների, սակայն, ցավոք, այն դարձել է նաև չարաշահումների հիմնական գործիք։ Այսօր շատ մարդիկ, ովքեր ունեն թշնամանք կամ ցանկանում են հաշվեհարդար տեսնել, օգտագործում են AI տեխնոլոգիաներ՝ ստեղծելու համար կեղծ պոռնոգրաֆիկ նյութեր, որոնք նպատակ ունեն վարկաբեկել անհատներին կամ խմբերին։

AI տեխնոլոգիաների միջոցով, հատկապես խորանարդային ցանցերի (Deepfake) կիրառմամբ, հնարավոր է ընդամենը մի քանի ժամում ստեղծել տեսանյութեր, որտեղ անձի դեմքը և ձայնը ընդօրինակվում են գրեթե կատարյալ։ Այդ տեսանյութերը հաճախ այնքան նման են իրականությանը, որ նույնիսկ մասնագետների համար բարդ է տարբերել դրանք կեղծ նյութերից։
Այս գործիքների հասանելիությունը դառնում է հասարակական անվտանգության համար մեծ սպառնալիք, քանի որ ցանկացած անհատ կարող է լինել թիրախ։

Ամենից հաճախ նմանատիպ հարձակումների թիրախ են դառնում հայտնի մարդիկ, քաղաքական գործիչները, լրագրողները և հասարակական ակտիվիստները։ Նրանց դեմ իրականացված կեղծ պոռնոգրաֆիկ նյութերի տարածումը կարող է ոչ միայն վարկաբեկել, այլև վնաս հասցնել նրանց մասնագիտական գործունեությանը և անձնական կյանքին։

Սակայն սա չի սահմանափակվում միայն հայտնի մարդկանցով. սովորական քաղաքացիներն էլ կարող են դառնալ զոհ, ինչը հոգեբանական ծանր հետևանքներ է թողնում։

Այս թեմայով Ինչու է ՔՊ-ն դանդաղում իր որոշումների մեջ.ո՞վ կասի.... Ինչ նոտարական փաստաթուղթ է իրականում ստորագրել Հարությունյանը Բաքվի բանտում 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան Հայտնի է՝ ով կներկայացնի այս տարի Հայաստանը մանկական Եվրատեսիլում Պատերազմը Ուկրաինայում մոտենում է ավարտին՝ այն շարունակելու ռեսուրսների սպառման պատճառով. Ուկրաինացի տնտեսագետ