Էյնշտեյնի՝ նախագահ Ռուզվելտին ուղղված պատմական նամակը կարող է վաճառվել 4 մլն դոլարով

Հեղինակավոր Christie's աճուրդի տունը պատրաստվում է վաճառքի հանել ֆիզիկոս Ալբերտ Էյնշտեյնի երկու էջանոց նամակը՝ հասցեագրված ԱՄՆ նախկին նախագահ Ֆրանկլին Ռուզվելտին, գրում է The Guardian-ը:

Աճուրդը կայանալու է սեպտեմբերին. ըստ փորձագետների՝ նմուշը կարող է վաճառվել 4մլն դոլարով:

Այս նամակում ֆիզիկոսն այն ժամանակվա նախագահ Ռուզվելտին զգուշացնում է նացիստական Գերմանիայի արագ զարգացող և անկասելի ընթացք ունեցող միջուկային հետազոտական ծրագրերի մասին, որոնք ներառում են ատոմային ռումբի ստեղծումը: Էյնշտեյնը նախազգուշացրել է, որ Գերմանիայի կառավարությունն ակտիվորեն աջակցում է միջուկային հետազոտություններին և կարող է արտադրել «չափազանց հզոր ռումբեր», ինչպիսին, ի վերջո, ստեղծեց ԱՄՆ-ն և Երկրորդ համաշխարհային պատերազմի ավարտին օգտագործեց ընդդեմ Ճապոնիայի:

Նա կոչ է արել ԱՄՆ կառավարությանը հետևել Գերմանիայի օրինակին և անել նույնը։ Ռուզվելտն ի պատասխան ստեղծել է կոմիտե, որը, փաստորեն, ատոմային ռումբի ստեղծող Ռոբերտ Օպենհեյմերի ղեկավարած «Մանհեթեն» նախագծի նախաբանն էր: Այս ծրագրի շրջանակում ԱՄՆ-ն ստեղծել է ատոմային ռումբ և նետել Հիրոսիմայի և Նագասակիի վրա՝ սկիզբ դնելով միջուկային դարաշրջանին:

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Տարվա մեջ 2-ից ավել նեղ մասնագետի խորհրդատվության դեպքում երեխաների համար համավճար է գործում. ԱՆ ահազանգի հետքերով Նվազագույնը 100 հազար դրամ․Ինչ գին ունի սեպտեմբերի 1-ը Երկրները հիմնականում պարտք վերցնում են ճգնաժամերի ժամանակ, իսկ եթե տեղի ունենա այդ ճգնաժամը, ապա այստեղ մենք արդեն ավելի խոցելի ենք լինելու «Հրապարակ». Հեռացող պատգամավորներից յուրաքանչյուրին 5 մլն դրամ գումար է փոխանցվել