Գիտնականները ուղեղի տասնյակ աննորմալություններ են հայտնաբերել նյարդային անորեքսիայի ժամանակ

Չիբայի համալսարանի ճապոնացի գիտնականները պարզել են, որ նյարդային անորեքսիան կապված է ուղեղի տասնյակ ֆունկցիոնալ փոփոխությունների հետ։ Հետազոտությունը հրապարակվել է Psychological Medicine (PsyMed) գիտական ​​ամսագրում:

Նյարդային անորեքսիան սնվելու ծանր խանգարում է, որը կապված է գիրանալու ուժեղ վախի և սննդի ընդունման սահմանափակման հետ: Դժվար է բուժել, իսկ մահացությունը այս ախտորոշմամբ հասնում է 18%-ի։

Հետազոտությանը, որն անցկացվել է ճապոնական հինգ հիվանդանոցներում, մասնակցել են է անորեքսիայով տառապող 114 կին և 135 առողջ անձ:

Հետազոտողները հայտնաբերել են ընդհանուր առմամբ 45 տարբեր փոփոխություններ, երբ համեմատել են անորեքսիա ունեցող մարդկանց նման ախտորոշում չունեցող անձանց հետ:

Հանգստի վիճակի ֆունկցիոնալ կապը վերաբերում է ուղեղի գործունեության օրինաչափություններին, որոնք դիտվում են, երբ մարդը չի զբաղվում որոշակի առաջադրանքով, և ցույց է տալիս, թե ինչպես են ուղեղի տարբեր հատվածները փոխազդում և համակարգվում միմյանց հետ հանգստի ժամանակ:

Արդյունքները ցույց են տվել, որ կապը նկատելիորեն ավելի ուժեղ է եղել որոշումներ կայացնելու շրջանում: Այս ընթացքում նյարդային անորեքսիայի դեպքում նկատվում է պաթոլոգիական սննդային վարքագիծ: Սննդի նկատմամբ վերահսկողության բարձրացման և այս խանգարմանը բնորոշ կոմպուլսիվ վարքի հետ կապված փոխվում են ուղեղի գործունեության օրինաչափությունները:

Այս թեմայով «Կալաշնիկով»-ը ներկայացրել է հակադրոնային պաշտպանության նոր համակարգ Բնությունը երբեք չի ճանաչել բացառություններ. Արցախցի փաստաբանը ազգային մարտահրավերների մասին Իրանի հասցրած գիշերային հարվածները Թրամփի մոտ նյարդային սրացումներ են առաջացրել Ռուսաստանի Բալթյան նավատորմի նավերի մանևրները բրիտանական ափերի մոտ նյարդային ռեակցիա է առաջացրել Լոնդոնում Հունիսի դրությամբ Առողջության համընդհանուր ապահովագրության համակարգն ունի շուրջ 1,8 մլն շահառու