Համաշխարհային փոստային տրաֆիկում սպամի բաժինն աճել է 3,07 տոկոսով

Ամբողջ աշխարհում նամակների միջինը 48,63%-ը սպամ է եղել 2022-ին, ինչը 3,07% – ով ավելի է, քան 2021 թվականին: Սակայն, մեկ տարվա ընթացքում սպամի մասնաբաժինը համաշխարհային փոստային տրաֆիկում աստիճանաբար նվազել է՝ առաջին եռամսյակի 51,02%-ից մինչև չորրորդ եռամսյակի 46,16%: Այս մասին հայտնում է «Կասպերսկի» ընկերությունը։

Ընկերության տվյալներով՝ սպամի աղբյուր երկրների շարքում առաջատարը Ռուսաստանն է. 2022 թվականին երկրից սպամի մասնաբաժինը շարունակել է աճել՝ 24,77-ից հասնելով 29,82%-ի։ Գերմանիան (5,19%) տեղերը փոխել է մայրցամաքային Չինաստանի հետ (14,00%), որի մասնաբաժինը աճել է 5,27 տոկոսային կետով: Վարկանիշի երրորդ տեղը նախկինի պես զբաղեցնում Է ԱՄՆ-ն (10,71%)։

2022-ին ընկերության փոստային հակավիրուսը հայտնաբերել է փոստի 166 187 118 վնասաբեր կցված ֆայլ։ Դա 18 միլիոնով ավելի է, քան 2021-ին։ Այս բաղադրիչն ամենաշատը գործարկվել է 2022-ի մարտին, մայիսին և հունիսին:

2022-ին փոստի ամենատարածված վնասաբեր հավելվածը, ինչպես 2021-ին, եղել է Agensla սթիլեր-տրոյացին, որի մասնաբաժինը փոքր-ինչ նվազել է: Noon լրտեսող ծրագիրը (4,89%) բարձրացել է երկրորդ տեղ, իսկ Badun տրոյացիները (4,61%), որոնք տարածվում են արխիվացված էլեկտրոնային փաստաթղթերի տեսքով, իջել են երրորդ հորիզոնական:
2022-ին արգելափակված վնասակար հավելվածների քանակով առաջատարը մնացել է Իսպանիան (8,78%), որի մասնաբաժինը փոքր-ինչ նվազել է 2021-ի համեմատ (9,32%)։

Ռուսաստանի մասնաբաժինը (7,29%), ընդհակառակը, փոքր-ինչ աճել է։ Մեքսիկան բարձրացել է երրորդ տեղ (6,73%), իսկ Բրազիլիան (4,81%)՝ չորրորդ, որի մասնաբաժինը նախորդ հաշվետու ժամանակաշրջանի համեմատ մնացել է գրեթե անփոփոխ։

Այս թեմայով Թրամփն ԱՄՆ նավթի ռեզերվային աննախադեպ ցածր ծավալի պաշարներից եւս 40 միլիոն բարել է վաճառում «Իրավունք». Փնտրվում է Վայքի ՔՊ-ական թեկնածուի դեկանը «Ժողովուրդ». ԱՄՆ–ում ի՞նչ են սովորեցնելու ՀՀ ԱԺ 5 պատգամավորներին, այդ թվում՝ ընդդիմադիր ԱՄՆ-ն ակնկալում է հոկտեմբերին կազմակերպել Ռուսաստանի և Ուկրաինայի ներկայացուցիչների հանդիպում. The Atlantic Reuters. Ռուսաստանը և ԱՄՆ–ն քննարկել են հնարավոր համատեղ էներգետիկ նախագծերը