ՇՏԱՊ. Մետապնեւմովիրուսի դեպքեր են արձանագրվել․ մանրամասներ

Հնդկական բժշկական հետազոտությունների խորհուրդը (ICMR) հաստատել է մարդու մետապնևմովիրուսի (HMPV) երկու դեպք Կարնատակայում, հայտնում է Tengrinews.kz-ն՝ հղում անելով Hindustan Times-ին։

Հնդկաստանի առողջապահության նախարարության տվյալներով՝ երկու դեպքերն էլ կապված են բրոնխոպնեւմոնիայի հետ (հիվանդություն, որը համատեղում է բրոնխիտի և թոքաբորբի ախտանիշներն ու նշանները):

Գերատեսչության տվյալներով՝ հոսպիտալացված երկու նորածնի մոտ ախտորոշվել է մետապնևմովիրուս։ Բրոնխոպնեւմոնիայի պատմություն ունեցող երեք ամսական աղջիկը բուժումից հետո դուրս է գրվել, իսկ ութ ամսական տղան դեռ բուժման մեջ է։

Հիվանդներից ոչ ոք երկրից դուրս չի մեկնել։ Հնդկաստանի առողջապահության նախարարությունն ընդգծել է, որ HMPV վիրուսն ակտիվորեն շրջանառվում է ամբողջ աշխարհում, այդ թվում՝ Հնդկաստանում։

Այնուամենայնիվ, ըստ ICMR-ի և Հիվանդությունների վերահսկման ծրագրի (IDSP), երկրում չի գրանցվել սուր շնչառական հիվանդությունների դեպքերի թվի զգալի աճ: Գործակալությունը շարունակում է վերահսկել իրավիճակը և հետևել վիրուսի տարածման միտումներին ողջ տարվա ընթացքում։

Հնդկաստանը կանոնավոր վարժանքներ է անցկացնում՝ կառավարելու շնչառական հիվանդությունների հնարավոր բռնկումները, ինչը, ըստ նախարարության, թույլ է տալիս երկիրը պատրաստ լինել հիվանդությունների թվի աճին և արդյունավետ արձագանքել ցանկացած սպառնալիքի:

Բացի այդ, ինչպես հայտնել է 24.kg պորտալը, Ղրղզստանում հայտնաբերվել է մետապնևմովիրուսի երկու դեպք։ Երկրի առողջապահության նախարարության տվյալներով՝ այսօր հանրապետությունում գերակշռում են սուր շնչառական վիրուսային վարակները։

«2024 թվականի հոկտեմբերից մինչև դեկտեմբեր (40-ից մինչև 52-րդ շաբաթ) հիվանդներից ընտրվել է 1 հազար 144 անալիզ, որից՝ ռինովիրուս՝ 210, շնչառական սենտիենցիալ վիրուս՝ 259, ադենովիրուս՝ 105, բոկավիրուս՝ 79, պարագրինցա (I. , II, III, IV տեսակներ)՝ 98 և մետապնևմովիրուս՝ 2 դեպք»,- ասվում է հաղորդագրության մեջ։

Մետապնևմովիրուսը շնչառական վիրուս է, որը սովորաբար առաջացնում է գրիպի նման մեղմ ու չափավոր ախտանիշներ: Այն ամենից հաճախ փոխանցվում է վարակված մարդկանց կամ աղտոտված մակերեսների հետ շփման միջոցով: Հիմնական ախտանշանները ներառում են հազը, հարբուխը, կոկորդում ցավը, ջերմությունը, իսկ ավելի լուրջ դեպքերում՝ շնչառության դժվարությունն ու թոքաբորբը:

Այս թեմայով Հաշմանդամություն ունե՞ք. 30 տարեկանում կենսաթոշակի համար բավական է 5 տարվա աշխատանքային ստաժ, կենսաթոշակը՝ առնվազն 46 000 դրամ Երեկ մահացած զինծառայողն ընտանիքի փոքրն էր, հուլիսին կավարտեր ծառայությունը. մանրամասներ «Երեմյան», «Արզնի կաթ» և «Բոնիլատ»․ թթվասերի նմուշներում շեղումներ են արձանագրվել. Պիպոյան 13 թիվը, սև կատուներն ու հայելիները․ ինչու ենք վախենում սնահավատությունից Ուկրաինայի նոր խաղաղության ծրագրի մանրամասներ են հայտնի դարձել. The Economist