Սասուն Խաչատրյանը պատրաստվում է իր նոր նշանակմանը

Euromedia24-ի տեղեկություններով իր նոր նշանակմանն է պատրաստվում Սասուն Խաչատրյանը, ով Փաշինյանի հեռախոսից ստացած վոթսափ SMS-ի նամակ-հարկադրանքով ստիպված եղավ տարեվերջին լքել Հակակոռուպցիոն կոմիտեի նախագահի պաշտոնը` նույն նամակը ստացած ՆԳ նախարարի, ՊԵԿ նախագահի ու ԲԴԽ նախագահի եւ Քննչական կոմիտեի նախագահի հետ միասին։ Իրավապահ համակարգի ներսում խոսում են, որ Սասուն Խաչատրյանին տեղափոխում են արտերկիր՝ դիվանագիտական հաստիքի։ 

Սասուն Խաչատրյանն հավակնում է ԱՄՆ-ում Հայաստանի լիազոր դեսպանի պաշտոնին նշանակվել, բայց այս հաստիքն արդեն 3 տարուց ավելի է՝ զբաղեցնում է Փաշինյանի անգլերենի ուսուցչուհի Լիլիթ Մակունցը։ Անհավանական թվացող այս նշանակման հարցում, ասում են՝ նրան մեծապես օժանդակում է Սասուն Խաչատրյանի եղբայրը` Դավիթ Խաչատուրյանը, ով վերջերս դարձավ Սահմանադրական դատարանի դատավորներից մեկը՝ ՔՊ-ի միաձայն քվեարկությամբ, իսկ մինչ այդ, հիշեցնենք, քայլ ձիով նվաճել էր Խաչատուրյանը մի քանի բարձր պաշտոններ` Վճռաբեկ դատարանի քրեական պալատի անդամ էր, նախորդիվ եղել էր ԲԴԽ անդամ։

Ընդգծենք, Դավիթ Խաչատուրյանը, Սասուն Խաչատրյանի եղբայրը լինելուց բացի, Հայաստանում «Սորոսի հիմնադրամի» հայաստանյան գրասենյակի գլխավոր կուրատորներից է համարվում երկար տարիներ, ըստ հաստիքի՝ «Բաց հասարակության հիմնադրամներ-Հայաստան»-ի տնօրենների խորհրդի արդեն նախկին նախագահն էր՝ մինչև 2018-ի հեղափոխությունը։ Նիկոլ Փաշինյանը օրենսդիր ու գործադիր մարմինները սորոսականներով լցնելուց հետո, երբ անցավ դատական համակարգը եւս այլ կերպ ասած` սորոսականացնելու գործին, անմիջապես պաշտոններ նվաճեցին սկզբում Սասուն Խաչատրյանը՝ նշանակվելով այն ժամանակվա ՀՔԾ պետ, իսկ հետո Հակակոռուպցիոն կոմիտեի նախագահը դարձավ։ Իսկ ահա եղբայրը, ով մինչև հեղափոխությունը իրավապաշտպան ոլորտում միայն փաստաբանական պալատի անդամի կարգավիճակ ուներ, բարձր պաշտոն ստացավ սորոսականների իշխանության գալու կոնտեքստում՝ ՔՊ-ական պատգամավորների խորհրդարանական կուտ ու միասնական ջանքերով։

Իսկ թե ինչու կամ ինչով չի գոհացնում Մակունցը Փաշինյանին՝ ԱՄՆ-ում ծավալած իր դիվանագիտական ջանքերում, կամ արդյոք ճիշտ են Մակունցին նույն առաքելությամբ Կանադա տեղափոխելու զրույցները, ցույց կտա ժամանակը։

Հիշեցնենք, Լիլիթ Մակունցը, ով իշխանափոխությունից հետո զբաղեցնում էր Մշակույթի նախարարի պաշտոնը, 2021թ․ օգոստոսի 2-ին ՀՀ նախագահի հրամանագրով նշանակվեց ԱՄՆ-ում ՀՀ արտակարգ և լիազոր դեսպան։

Այս թեմայով Ըստ Սասուն Միքայելյանի՝ ՀՀ-ն պետական սահման չունի. «Սկանդալային հայտարարություն չեմ անում, տենց ա» Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն Սասո՛ւն Միքայելյան, ստեղ մենք ենք որոշում՝ ով ա ում խանգարում, թողեք ելույթ ունենա. Ռուբինյան Գագիկ Խաչատրյանի փաստաբանները պարզաբանում են ներկայացրել 193 գույքի և պարտատոմսերի վերաբերյալ Փաշինյանը սկսեց «ձեռ առնել» Սուրիկ Խաչատրյանին. «Մարդու իրավունքների մեծ պաշտպան է»