Վերջում կարող է պարզվել, որ Բլինքենը չկա. Մանգասարյան

«Հայաստանի Հանրապետության և Ամերիկայի Միացյալ Նահանգների միջև ռազմավարական գործընկերության մասին կանոնադրության ստորագրումը ներկայացվում է որպես աննախադեպ ձեռքբերում։ Սակայն այս ամենի հանդեպ հասարակության վերաբերմունքը շատ տարբեր է: Մի մասի համար սա հույս է ու վստահություն դեպի ապագան, իսկ մյուսների համար՝ ընդամենը դեկլարատիվ բնույթի քայլ, որի արդյունավետությունը կասկածի տակ է։ Այս մոտեցումները լիովին հասկանալի են, հատկապես երբ հաշվի ենք առնում նախորդ տարիների դառը փորձը, և հասարակության լայն շերտերի վստահության օբյեկտիվ պակասը: