Գրիպի նոր շտամների ավելի քան 80%-ը ծագում է Աֆրիկայում և Հարավային Ամերիկայում․ NatCom

Ամստերդամի համալսարանի գիտնականների ուսումնասիրությունը ցույց է տվել, որ գրիպի վիրուսի նոր շտամների ավելի քան 80%-ը ձևավորվում է Աֆրիկայի և Հարավային Ամերիկայի շրջաններում: Հետազոտության արդյունքները հրապարակվել են Nature Communications (NatCom) ամսագրում:

Օգտագործելով համակարգչային հաշվողական մոդելներ՝ գիտնականներն ուսումնասիրել են կլիմայի, բնակչության քանակի և միգրացիոն հոսքերի ազդեցությունը վիրուսային մուտացիաների վրա: Պարզվում է, որ արևադարձային շրջանները իդեալական պայմաններ են ստեղծում վիրուսների էվոլյուցիայի համար՝ վարակների մշտական շրջանառության, բնակչության բարձր խտության և տարբեր եղանակների բացակայության պատճառով։

Հետազոտողները հատուկ ուշադրություն են դարձրել H1N1 վիրուսին. վերջին 20 տարիների ընթացքում նրա նոր շտամների մոտ 85%-ը հայտնվել է արևադարձային գոտիներում: Մշտական ջերմաստիճանային պայմանները նպաստում են վարակի շարունակական տարածմանը, որն արագացնում է մուտացիաները:

Հետազոտության ղեկավար, կենսաինֆորմատիկայի պրոֆեսոր Յոհաննես վան դեր Բրուքը նշել է, որ այս օրինաչափությունների ըմբռնումը կօգնի ավելի ճշգրիտ ռազմավարություններ մշակել համաճարակի կանխարգելման համար: Նա ընդգծել է գլոբալ միգրացիոն գործընթացները և կլիմայի փոփոխությունը հաշվի առնելու կարևորությունը՝ կանխատեսելու վիրուսի նոր շտամների առաջացումը։

Այս թեմայով «Ժողովուրդ». Լենա Նանուշյանի նոր ձախողումների շարքը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. 36-ամյա գործարարին մահացած են գտել. Հրապարակ Մոսկվայում բենզինի վաճառքի նոր սահմանափակում է մտցվել Ռուսաստանի արտաքին քաղաքականության մեջ նոր, եզակի փորձ է սկսում ի հայտ գալ. Փորձագետ