Երգեցի եւ ասացի այ քեզ բան. Արմինե Գրիգորյանը բացահայտում է իր նոր երգի գաղտնիքը

Օրեր առաջ «Իրավունք»-ին տված բացառիկ հարցազրույցի ընթացքում երգչուհի, դերասանուհի ԱՐՄԻՆԵ ԳՐԻԳՈՐՅԱՆԸ խոսել էր իր նոր տեսահոլովակի մասին: Այսօր արդեն տեսահոլովակը հանրության դատին է, իսկ մենք սիրով հրապարակում ենք հարցազրույցից մի հատված, որն անմիջապես վերաբերվում է տեսահոլովակին՝ «Маман всегда с тобой»:

«Ես ինքս եմ իմ երգերը գրում ու ունեմ շատ երգեր, որոնք դեռ ժամանակի սղության պատճառով չեմ գործիքավորել: Սակայն վերջերս իմ շատ մտերիմ կոլեգան՝ Բեատով Ֆելդմանը, ով ազգությամբ հրեա է, ում հետ ծանոթացել եւ հետո շատ մտերմացել ենք Նովոռոսիյսկում անցկացվող ամենամյա «Морской узел» երիտասարդ կատարողների երգի միջազգային մրցույթի ժամանակ, որտեղ երկար տարիներ է ես եւ Սամվելը ժյուրիի անդամ ենք ու նաեւ ներկայացնում ենք հայ տաղանդավոր երգիչների, ինձ համար նոր երգ է գրել: Ամեն անգամ Բեատովան զանգում է ինձ ու ասում, որ ինձ համար երգ է գրել, ու դա տեւում է երեք տարի: Վերջերս կրկին զանգեց ու ասաց, որ ամեն դեպքում լսեմ երգը: Երգեցի ու ասացի՝ ա՜յ քեզ բան....: Դա սկեսուրի երգ է՝ ռուսալեզու: Ես ընդամենը մեկ բառ եմ փոխել երգի մեջ, ու այդ բառը հենց «ֆիշկան» է այդ երգի: Գործիքավորումը արել է իմ կողմից շատ սիրելի Մուշեղ Մալյանը, ով իմ շատ երգերի գործիքավորմամբ է զբաղվել: Կարեւորը լավ թիմի հետ եմ աշխատել: Ես այնքան երգեր ունեմ՝ հին ու նոր, պարզապես, այս երգը մի տեսակ այլ ոճ է ինձ համար: Շատ կան երգեր սկեսուրից` նվիրված հարսին, կամ հարսից՝ սկեսուրին, սակայն չկա երգ ՝ սկեսուրից որդուն նվիրված: Սա նորություն է: Այնպես որ, սիրելի սկեսուրնե՛ր, պատրաստվեք, տժժալու ենք»,- «Իրավունք TV»-ի տաղավարում ասել է սիրված երգչուհին:

ՆԱՆԱ ՍԱՐԳՍՅԱՆ

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Մարտուն Գրիգորյանի վերաբերյալ քրեական վարույթն ուղարկվել է դատարան Արմեն Գրիգորյանը նոր պաշտոն է ստացել միջազգային ընկերությունում Արցունքն աչքերին բացատրում էր, թե ինչու չի ստացվել իր առաջին ընտանիքը… թու ու յախք․ Ալեն Սիմոնյանի նախկին զոքանչի՝ Արմինե Օհանյանի գրառումը Ում համար են նախարարի աթոռ ազատում