Խաբեություն է՝ ուղղված սեփական ժողովրդին. Գեղամ Մանուկյան

Ադրբեջանի նախագահ Ալիեւի տարածքային պահանջների եւ պատերազմի սպառնալիքների ֆոնին՝ ՀՀ կառավարությունը հաստատեց Եվրամիությանը Հայաստանի անդամակցելու գործընթացի մեկնարկի մասին օրենքի նախագիծը, որը հաջորդիվ կքննարկվի խորհրդարանում: Ո՞րն է այս առումով խորհրդարանական ընդդիմության տեսակետը, «Իրավունք»-ը հետաքրքրվեց ԱԺ «Հայաստան» խմբակցության պատգամավոր ԳԵՂԱՄ ՄԱՆՈՒԿՅԱՆԻՑ:

— Շատ հանգամանալից կարելի է այդ օրենքի մասին խոսել։ Նախ ընդհանրապես, այդ նախաձեռնության նպատակահարմարության, որովհետեւ ուղղակի աբսուրդի ժանրից է: Եվրամիության ամբողջ կառույցում չի եղել որեւէ երկիր, որ սկզբից որոշում կայացնի, օրենք ընդունի, հանրաքվե անի, հետո նոր որոշի դիմել Եվրամիությանը, որը կարող է ընդհանրապես այդ դիմումը քննության նյութ չանել, ինչպես այժմ նկատում ենք, որ եվրոպացի պաշտոնյաները, որոնք քամահրանքով վերաբերվելով այս նախաձեռնությանը՝ ասում են, որ միայն կարող են քննարկել։ Սա առաջին։ Երկրորդ՝ այն, ինչ անում է կառավարությունը եւ այս նախաձեռնությունը, ու օրերս նաեւ կառավարության նիստում կայացված որոշումն ուղղակի խաբեություն է՝ ուղղված սեփական ժողովրդին։ Դա նախագիծ է ոչնչի մասին: Այդ փաստաթուղթը եթե կարդում ենք, ուղղակի, բարի կամքի դրսեւորում է՝ իբր թե օրենքի ուժով, որ Հայաստանը ցանկանում է անդամակցել Եվրամիությանը եւ վերջ։ Դա հանրաքվե չի ենթադրում, ոչինչ չի ենթադրում։ Երրորդը, այս նախաձեռնությամբ, որը եթե գործնականում իրականանա Հայաստանի արտաքին քաղաքականության կարեւորագույն տարրերից մեկը՝ եւ-եւ-ի քաղաքականությունը վերածվելու է կամ-կամ-ի քաղաքականության։ Այդ մասին արդեն իսկ Ռուսաստանի եւ ԵԱՏՄ պաշտոնյաների կողմից հնչում են հայտարարություններ։ Այս նախաձեռնությունը եթե շարունակականություն ունենա, սա լուրջ հարված է լինելու ՀՀ ցանկացած քաղաքացուն, ինչպես նաեւ մեր երկրի անվտանգությանը, մեր երկրի տնտեսությանը, ռազմավարական բոլոր խնդիրներին։ Ուղղակի, անգրագետ եւ ոտաբոբիկ նախաձեռնություն է, որը եւս մեկ անգամ կրկնում եմ՝ ուղղակի սեփական ժողովրդին հերթական անգամ ինչ-որ սուտ հույսերով կերակրելու մասին է միայն։

ԴԻԱՆԱ ՄԱՆՈՒԿՅԱՆ

Հ.Գ.- Հարցազրույցի շարունակությունը թերթի առաջիկա համարում:

Այս թեմայով Արեգնազ Մանուկյանը կգնա տուն Իրանում հանդիսավորությամբ նշվել է Հայաստանի Անկախության տոնը Վիրավոր իմ Հայաստան, դու դեռ ուղղելու ես քո ողնաշարը Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները