«Կան փաստեր, որոնք ոչ ոք ջնջել չի կարող»․ Տիգրան Ասարյանը՝ Փաշինյանի՝ Հայոց ցեղասպանության վերաբերյալ հայտարարությանը

Շոու բիզնես 29 Հունվար, 2025 12:46

Ինչպես արդեն հայտնել ենք, օրեր առաջ վարչապետ Նիկոլ Փաշինյանը շվեյցարահայ համայնքի մի խումբ ներկայացուցիչների հետ հանդիպմանը հայտարարել է, թե պետք է դեռ հասկանալ՝ ինչ է տեղի ունեցել Հայոց ցեղասպանության ժամանակ, ինչու և ում միջոցով ենք ընկալել Հայոց ցեղասպանությունը։

«Մենք Հայոց ցեղասպանության պատմությանն էլ պետք է վերադառնանք, պետք է հասկանանք, լավ՝ ինչ է տեղի ունեցել և ինչու է տեղի ունեցել, և ինչպես ենք մենք դա ընկալել, ում միջոցով ենք ընկալել, ոնց է, որ1939 թվին Հայոց ցեղասպանության օրակարգ չի եղել, և ոնց է որ1950-ին Հայոց ցեղասպանության օրակարգ հայտնվել է: Սա մենք պե՞տք է հասկանանք, թե՞ չպետք է հասկանանք», - ասել է նա։

Սա, իհարկե, բուռն քննարկումների առիթ տվեց և հայտարարությունը հանրության լայն շրջանակների կողմից արժանացավ քննադատության։ Փաշինյանին արձագանքել են նաև հայկական շոու–բիզնեսի ներկայացուցիչները։

Այսպես, երգիչ Տիգրան Ասատրյանը Ինստագրամի իր էջում տեսանյութ է հրապարակել և ասել․ «Լինելով ԱՄՆ–ում արդեն 25 տարի՝ ամեն տարի ընտանիքիս հետ մասնակցել եմ Ապրիլի 24–ի միջոցառումներին և միշտ եղել եմ պահանջատեր։ Որևէ մեկը, ով կարող է իրեն համարել հայ ու կասկածի տակ դրել, թե նման բան եղել է, թե ոչ, համոզված եմ՝ եղել է Ծիծեռնակաբերդում և ծաղիկներ խոնարհել այնտեղ։ Նրանց, ովքեր մոռանում են, չեմ համարում հայ»։

Իր հերթին երգչուհի Քրիստինե Պեպելյանը հոլովակ է հրապարակել իր միկրոբլոգում և նշել․ «Կա պատմություն, կան փաստեր, որոնք երբեք ոչ ոք ջնջել չի կարող։ Մեր պապերը տեսել են։ Մենք հիշում ենք 1915–ը»։

Երգիչ Սարո Թովմասյանը նույնպես արձագանքել է Փաշինյանի աղմկահարույց հայտարարությանը և պատմել ցեղասպանությունից փրկված իր պապիկի մասին․

«Հայոց ցեղասպանությունն անժխտելի և այդ փաստի վերաբերյալ ցանկացած հարցական անընդունելի է և անհանդուրժելի»,– նշել է նա։