Բնականաբար, բողոքարկելու ենք վճիռը․ Մամիկոն Ասլանյան

Բնականաբար, բողոքարկելու ենք վճիռը, ուղղակի չենք կարող չբողոքարկել: Ըստ էության, այսօրվա Հայաստանում առավելապաշտական ակնկալիքներ չունեինք։ Խղճահարություն և նողկանք է առաջանում այս պրոցեսներին հետևելիս։ Այս մասին լրագրողների հետ զրույցում ասաց Վանաձորի նախկին քաղաքապետ Մամիկոն Ասլանյանը, ով մեղավոր է ճանաչվել Հակակակոռուպցիոն դատարանի կողմից։ 

Նա նշեց, որ դատավորը կաշկանդվածություն ունի․ «Նրա հուզական վիճակից էլ էր երևում։ Դատական քննության որևէ փուլում որևէ ապացույց, որևէ մատնանշում, նույնիսկ ակնարկ չի եղել մեղավորության հետ կապված, որով որ կարելի էր մեղավոր ճանաչել»,– ասաց նա։

Հիշեցնենք, որ Վանաձորի նախկին քաղաքապետ Մամիկոն Ասլանյանը մեղավոր ճանաչվեց Հակակակոռուպցիոն դատարանի կողմից և ազատազրկվեց 4 տարի 4 ամիս ժամկետով։ Հաշվակցելով Ասլանյանի՝ կալանքի տակ անցկացրած ժամկետը, դատարանը նրան դատապարտել է 1 տարի 9 ամիս ժամկետով ազատազրկման։ Նաև նշանակվել է 500 հազար դրամի տուգանք։ Ասլանյանը 3 տարի ժամկետով զրկվել է հանրային պաշտոն զբաղեցնելու հնարավորությունից։ 

Այս թեմայով Ես որեւէ մեկը չեմ, որ կամ ճանաչեմ Ղրիմը, կամ չճանաչեմ․ Մամիկոն Ասլանյան Գայթակղություն առաջացավ գամ, փաթաթվեմ ձեզ, փաստորեն էդքան ազնիվ եք եղել. Ասլանյանը՝ Փաշինյանին Այսօր վերջին հրաժեշտը տվեցին հայկական հեռուստատեսության լեգենդներից մեկին Քանի դեռ քաղաքական թիմը չունի դիրքորոշում, ես չեմ կարող իմ առանձին դիրքորոշումը ներկայացնել. Ասլանյան ՑԱՆԿ. Գործարար, իրավաբան, լրագրող, տնտեսագետ, քաղաքագետ.Ովքեր են ուժեղների 29 պատգամավորները