2025-ի կեսերին Հայաստանում ևս մեկ գերհամակարգիչ կգործարկվի՝ Nvidia-ի հիմքի վրա

2025 թվականի կեսերին Հայաստանում կգործարկվի ևս մեկ գերհամակարգիչ «Nvidia»-ի հիմքի վրա։ Այս մասին այսօր՝ հունվարի 9-ին, տարեկան ամփոփիչ մամուլի ասուլիսի ժամանակ նշեց ԲՏԱ նախարար Մխիթար Հայրապետյանը:

Հայկական տարբեր հետազոտական կենտրոններ և ընկերություններ ընդհանուր առմամբ ավելի քան 20 հայտ են ուղարկել արդեն գործող ֆրանսիական գերհամակարգչի օգտագործման համար, որը «Ազնավուր» հիմնադրամի աջակցությամբ փոխանցվել է Երևանի ինժեներական քաղաքին:

Մխիթար Հայրապետյանը տեղեկացրեց, որ այժմ բանակցություններ են ընթանում «Nvidia»-ի հետ համագործակցության համար, արդեն ձեռք են բերվել մի շարք բաղադրիչներ, ինչը թույլ է տալիս տարվա կեսին ակնկալել նոր գերհամակարգչի գործարկում:

Ամենայն հավանականությամբ այն կտեղակայվի Երևանի պետական համալսարանում։ Մշակողների թիմերն արդեն հայտեր են ուղարկում դրանով աշխատելու համար։

Հիշեցնենք` 2024 թվականի մայիսին ՀՀ-ում գերհամակարգչային ազգային կենտրոն բացվեց։

Նշենք, որ Երևանի ինժեներական քաղաքը դեռ մինչև վերջ չի կառուցվել, սակայն դրա կառուցված մասում արդեն ավելի քան 20 ընկերություն է տեղակայվել: Նոր մասում կտեղակայվեն գերհամակարգչային կենտրոնը, ինչպես նաև լաբորատորիաներ, որտեղ կուսումնասիրվեն արդյունաբերության համար հեռանկարային խնդիրները։ Գերհամակարգիչն ավելի վաղ Հայաստան էր բերվել Ֆրանսիայից։

Այս թեմայով Ով Վանեցյանի կուսակցությունով առաջադրված Լեվոն Վահրադյանը իրականում Ընտրապայքարի են դուրս եկել ներկա եւ նախկին համայնքապետերը Կիևում հարձակումից հետո այրվում են պահեստներ, բիզնես կենտրոն և բենզալցակայան (Տեսանյութ) Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ