«Հրապարակ». Գոնե պետքարտուղարն ընդունի

«Հրապարակ» թերթը գրում է. «Թեև երեկ Նիկոլ Փաշինյանն ասուլիսում հայտարարեց, որ ԱՄՆ այցի ժամանակ նորընտիր նախագահ Թրամփի հետ հանդիպում նախատեսված չէ, սակայն մեր տեղեկություններով՝  Հայաստանի իշխանությունները բոլոր հնարավոր խողովակներով փորձել են հանդիպում կազմակերպել Թրամփի և Փաշինյանի միջև: Գործի են դրվել ողջ ԱԳՆ-ն, ԱՄՆ-ում ՀՀ դեսպանությունը, նման խնդրանքով դիմել են ԱՄՆ ազդեցիկ հայազգի հանրապետականներին և այլն: Սակայն չի ստացվել: Փորձում են գոնե նորանշանակ պետքարտուղար Ռուբիոյի հետ հանդիպում կազմակերպել:

Բայց ինչեր չես անի աթոռը պահելու և դրսից աջակցություն ստանալու համար: Ի դեպ, փետրվարի 3-ին նախատեսվում է հանդիպում հայ համայնքի հետ դեսպանատանը, որին մասնակցության հրավերներ են ուղարկվել Վաշինգտոնում և շրջակա տարածքում բնակվող հայերին: Սակայն շատերը հրաժարվում են մասնակցել` բոյկոտելով այն, քանի որ մտավախություն ունեն, որ կրկին ցեղասպանության թեմայով է խոսելու, մտադիր են բողոքի ակցիաներ կազմակերպել»:

Այս թեմայով Նվազագույնը 100 հազար դրամ․Ինչ գին ունի սեպտեմբերի 1-ը Ես ավելի շատ վստահում եմ տաքսու վարորդին, քան` Թրամփին. վարորդը գոնե ժամանակին է գալիս. ԻՊՀԿ-ի գեներալ հանգիստ չունեմ և չեմ ունենալու Ոլորտը կանգնած է խոշորամասշտաբ կորուստների առջև, գոնե այս պահին ակցիզային հարկի բարձրացումը դիզվառելիքի համար անընդունելի է․Տնտեսագետ Ռուսաստանը վերջապես պետք է ընդունի, որ կրկին պատերազմի մեջ է ամբողջ Եվրոպայի հետ. Փորձագետ