Փաշինյանի՝ Ցեղասպանությունը կասկածի տակ դնելու հայտարարությունը, լայն արձագանք գտավ թուրքական ԶԼՄ-ների գլխագրերում․ Բագրատ Էստուկյան

 Թուրքիայի Մեջլիսի նախկին պատգամավոր, Միջազգային խաղաղության «Քարնեգի» հիմնադրամի ներկայացուցիչ Կարո Փայլանը լրատվամիջոցներին մեկի հետ զրույցում անդրադառնալով հայ-թուրքական հարաբերություններին, ասել է, որ այսօր առավել քան նպաստավոր նախադրյալներ կան հայ-թուրքական հարաբերությունների սերտացմանը միտված։ «Ակօս» շաբաթաթերթի հայերեն էջերի խմբագիր Բագրատ Էստուկյանը, սակայն, հակառակն է արձանագրում․

-Ես համաձայն չեմ Կարո Փալյանի հնչեցրած տեսակետի հետ, Թուրքիայում հայերի հետ բարեկամության մասին չեն ուզում անգամ լսել, էլ չեմ խոսում, որ նման օրակարգ չկա թուրքական էլիտայի մոտ, հայերի մասին այստեղ գրեթե չեն խոսում, կամ եթե խոսում են, որպես երկրորդական-երրորդական թեմա։ Թուրքական ոչ իշխանության, ոչ հասարակությանը առանձնապես չի հուզում հայերի հետ բարեկամության հաստատումը, այստեղ այն կարծիքին, որ հայերը պետք է շահագրգռված լինեն Թուրքիայի հետ բարեկամանալուն։ Այստեղ հասարակությանը հուզում է օր-օրի աճող գնաճը, տնտեսական մարտահրավերները, բայց ոչ Հայաստանի հետ բարեկամանալը։ Թուրքիական իշխանությունը եւս քաղաքական կամք չունի, միայն խոսքերով, հայտարարություններով են նրանք այդ գիծը առաջ տանում, բայց գործնականում մատ-մատին չեն տալիս ։ Այ, եթե թուրքական իշխանությունները քաղաքական կամք դրսեւորեն, այդ բարեկամությունը ու դրանից բխող դրական հետեւանքները, անշուշտ շատ արագ իրենց արդյունքը կտան։

-Պարոն Էստուկյան, ՀՀ վարչապետը եւ ողջ իշխանական էլիտան, ըստ էության կասկածի տակ դրեցին Ցեղասպանության հարցը։ Դա ի՞նչ արձագանք գտավ Թուրքիայում։

-Բավական լայն արձագանք գտավ, բոլոր ԶԼՄ-ները գլխատառերով գրեցին, որ Փաշինյանը չի հավատում Ցեղասպանության իրականացմանը, պահանջում է փաստեր եւ այլն ։  Շատերն են այդ հարցը այսօր քննարկում այստեղ, հիմնականում ասածս կոնտեսքստում։ Ինչ վերաբերում վարչապետի ցեղասպանությունը կասկածի տակ դնելուն, ապա դա միանշանակ դատապարտելի է։ Այսօր աշխարհի ցանկացած կենտրոնում գիտեն, որ  1915թ. հայերի ոչնչացումը ոչ այլ ինչ է քան ցեղասպանություն։ Ավելին, Ցեղասպանություն եզրի օրինական ձեւաչափի հեղինակ Ռաֆայել Լեմկինը, իր պատրաստած ձեւաչափը ներկայացնելի հայտարարել էր, որ Ցեղասպանություն եզրույթը նրա մոտ առաջացել է, երբ ուսումնասիրել է 1915 թվականին Արեւմտյան Հայաստանում տեղի ունեցած ոճրագործությունը։ Այսինքն ցեղասպանություն եզրույթը առհասարակ աշխարհի երեսին ի հայտ է եկել 1915թ․-ի հայերի հետ կատարվածը ուսումնասիրելուց հետո։ Այսօր աշխարհի երեսին գտնվող ամեն մի հայի ընտանիքի անցյալում ցեղասպանության հետ կապված հիշողություն կա, այդ հիշողությունը դաջված է յուրաքանչյուր հայի արյան գենում։ Հետեւաբար ցեղասպանության փաստը ժխտելը կամ կասկածի տակ դնելը ուղղակի անթույլատրելի է։ 

-

Այս թեմայով Հեսսեյան խաղաղության մրցանակի պերճանքն ու թշվառությունը. Բացառիկ մանրամասներ Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Իսրայելը ոչնչացնում է Թուրքիայի զինամթերքի պահեստները Սիրիայում «Եթե Թուրքիան օգնի Սաուդյան Արաբիային, մենք կհարվածենք երկաթե բռունցքով». Հուսիթների ներկայացուցիչ ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն