Հարբած վիճակում սուտ է խոսել․ Սարո Լալայանի կինը՝ ամուսնու՝ անձը հաստատող փաստաթուղթ տրամադրելը մերժելու աղմուկի մասին

Սարո Լալայանը ոչ մի խնդիր չի ունեցել սոցիալական քարտը ստանալիս: Այդ մասին «Հրապարակի» հետ զրույցում ասել է Լալայանի կինը՝ նշելով, որ ամուսնու պատմածը սուտ է, նա խմած է եղել և ոչ ադեկվատ վիճակում։

«Մարդը հոգեկան շեղումներ ունի, հարբած, ոչ ադեկվատ խոսել է, չի հասկացել, թե ինչ է խոսել»,- ասել է կինը։

Դիտարկմանը, թե լրատվամիջոցին ասել է՝ Արարատ լեռան պատկերով ստորագրություն ունենալու պատճառով փաստաթուղթ չեն տվել, սակայն ՆԳՆ-ից հերքում են, Լալայանի կինը պատասխանել է․ «Սուտ է ասել, ինքը ոչ մի խնդիր չի ունեցել»:

Հիշեցնենք՝ Սարո Լալայանը հարցազրույց էր տվել և ասել, որ Միգրացիայի և քաղաքացիության ծառայության Նոր Նորքի բաժնում իրեն մերժել էին տրամադրել սոցիալական քարտ այն պատճառաբանությամբ, որ անձնագրում քաղաքացու ստորագրության վրա եղել է Արարատ լեռը:

Ավելի ուշ ՆԳՆ-ից հայտնել էին, թե «Սարո Լալայան» անուն-ազգանունով մարդ չի սպասարկվել այդ ստորաբաժանումում, և որ քաղաքացու հայտնածը չի համապատասխանում իրականությանը։

«Նշվածի առնչությամբ հայտնում ենք, որ քաղաքացու հայտնածը չի համապատասխանում իրականությանը։ Հրապարակմամբ նշված անուն-ազգանունով քաղաքացի չի սպասարկվել տվյալ ստորաբաժանումում: Նկատենք նաև, որ Միգրացիայի և քաղաքացիության ծառայության տվյալ ստորաբաժանման 8-րդ պատուհանը, որին, ըստ քաղաքացու, մոտեցել է, սպասարկում է ԼՂ-ից բռնի տեղահանված անձանց, այսինքն՝ նշված պատուհանին մոտենալիս քաղաքացին չէր էլ կարող սպասարկվել։ ՆԳՆ ներքին անվտանգության և հակակոռուպցիոն վարչության ծառայողների կողմից անմիջապես կապ է հաստատվել քաղաքացու հետ, որի ընթացքում քաղաքացին տվել է իրարամերժ տեղեկություններ՝ չնշելով տվյալ ստորաբաժանում այցելելու կոնկրետ օր ու ժամ։ Կոչ ենք անում զերծ մնալ իրականության հետ աղերս չունեցող տեղեկություններ հրապարակելուց, ինչպես նաև անհիմն չթիրախավորել ծառայության աշխատակիցներին»,- հայտնել էին ՆԳՆ-ից։

Այս թեմայով ԻՊՀԿ-ն հայտարարեց ԱՄՆ-ի REMUS 600 ստորջրյա անօդաչուի գրավման մասին (Տեսանյութ) Ուկրաինական աղբյուրները հայտնում են Կիևում շատ հզոր պայթյունի մասին Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Տիրադավների մասին ավելի ծանր փաստեր կան. ցավում եմ, որ այդքան ընկած եք, աղոթեք ու ապաշխարեք, որ Աստված ների ձեր մեղքերը. Տեր Զարեհ (Տեսանյութ)