Ի՞նչ ասես, Ալլահը ձեզ պահապան. ԶԱՐՄԱՆՔ

ԵՊՀ ռեկտոր Հովհաննես Հովհաննիսյանը շարունակում է հետեւողականորեն մայր բուհը հասցնել «Ճ» կլասի: Այսպիսով՝ նա հրաման է ստորագրել ԵՊՀ ամբիոնի վարիչների մրցութային ընտրություն նշանակելու եւ անցկացնելու մասին: ԵՊՀ ժուռնալիստիկայի ֆակուլտետի տպագիր եւ հեռարձակվող լրատվամիջոցների ամբիոնը 2021թ. նոյեմբերից վարիչ չունի, իսկ այժմ միակ թեկնածուն Նոր մեդիայի եւ հաղորդակցության ամբիոնի՝ ժամավճարով դասախոս, բանասիրական գիտությունների թեկնածու ՏԱՐՈՆ ԴԱՆԻԵԼՅԱՆՆ է: Առաջին հայացքից զարմանալի ոչինչ չկա, բայց պարզվում է՝ վերջինս հայտնի հանդիսավար է՝ թամադա: Մամուլն արդեն ողողվել է նրա վարած հարսանեկան եւ այլ արարողությունների տեսանյութերով ու լուսանկարներով: Արդյոք պատրաստվում է թողնել թամադայի աշխատանքը՝ ընտրվելու դեպքում, Դանիելյանը հպարտորեն նշել է. «Հանդիսավարությունը չի խանգարել, որ զբաղվեմ գիտությամբ: Եթե ընտրվեմ, գուցե հանդիսավարութ յան աշխատանքը մնա շաբաթ եւ կիրակի օրերին»: Դե այսքանից հետո՝ մեզ մնում է այս բաժակով էլ խմել ԵՊՀ-ի երբեմնի հեղինակության հիշատակի կենացը:

Իսկ ՀՀ էկոնոմիկայի նախարարության Զբոսաշրջության կոմիտեի ղեկավար ԼՈՒՍԻՆԵ ԳԵՎՈՐԳՅԱՆՆ օրերս հանդիպել է հյուրանոցային բիզնեսով զբաղվող սեփականատերերի հետ եւ ասել, որ իրենց հյուրանոցներում պետք է մուսուլմանական աղոթատեղիներ կառուցեն։ Այո, հասել ենք, իջեք, առաջին քրիստոնյա երկրում հիմա էլ մուսուլմանական աղոթատեղիներ են կառուցելու: Ընդ որում՝ ոչ միայն շոկային ու զարմանալի էր այս լուրը, այլ նաեւ դրա հերքում-հաստատումը: Զբոսաշրջության կոմիտեի տարածած հաղորդագրության համաձայն` կոմիտեի նախագահը, ընդգծելով Հայաստանի՝ որպես բարենպաստ եւ գրավիչ զբոսաշրջային երկրի նկարագրի ամրապնդման անհրաժեշտությունը թիրախային համարվող երկրներում, տեղեկացրել է, որ այն հյուրանոցային ծառայություն մատուցող անձինք, որոնք ցանկանում են իրենց կողմից շահագործվող օբյեկտներում ապահովել Պարսից ծոցի համագործակցության խորհրդի անդամ եւ այլ արաբական երկրներից զբոսաշրջային այցելությունների աճ, հնարավորություն ունենալու դեպքում կարող են ապահովել զբոսաշրջիկներին նրանց սնունդը ներկայացնող առանձնահատկություններին կամ կրոնական պահանջներին համապատասխան առաջարկներ։ Այսինքն՝ դեռ չեն պարտադրում, բայց ցանկալի է: Ի՞նչ ասես, Ալլահը ձեզ պահապան:

Հարեւան Վրաստանն էլ շարունակում է իր փորձով կարեւոր դասեր տալ Հայաստանին: Խորհրդարանի խոսնակ ՇԱԼՎԱ ՊԱՊՈՒԱՇՎԻԼԻՆ հերթական բացահայտումն է արել: «Վրաստանում իրավիճակն ապակայունացնելու փորձերը ֆինանսավորվել են ոչ միայն ամերիկյան, այլեւ եվրոպական հիմնադրամներից: Մենք ոչ միայն կասկածներ ունենք, այլ նաեւ ապացույցներ, որ Վրաստանը ապակայունացնելու համար, բացի ամերիկյան միջոցներից, ծախսվել են եվրոպական պետություններից կամ հիմնադրամներից գումարներ», - նշել է նա: Իհարկե, սա զարմանալի չէր լինի, եթե ընդամենը ամիսներ առաջ նույն վրաստանյան պաշտոնյաները հիացած խոսքեր չասեին եվրոպական հիմնադրամների մասին։ Մինչդեռ հիմա ընդգծում են՝ Ժողովրդավարության եվրոպական հիմնադրամը (EED) «օգտագործում է հետախուզական ծառայությունների մեթոդներ՝ արմատական ​​քաղաքական կուսակցություններին եւ խմբերին գաղտնի ֆինանսավորելու համար»: Մեզ մնում է ավելացնել՝ ով ականջ ունի թող լսի, ով աչք ունի, թող տեսնի…

Զարմացած է «Իրավունք»-ը

Այս թեմայով «Գրատախտակին գնալու» մասին խոսելուց առաջ արժե հիշել ամենակարեւորը․ Հենրիխ Դանիելյան Չի կարող լինել խաղաղություն, եթե մեր հայրենակիցները բաքվի բանտում են․ Դանիելյան Նրանց անազատության մեջ գտնվելը բխում այս իշխանության շահերից. Դանիելյան Տեղի է ունենում հրեշավոր երեւույթ․ Գառնիկ Դանիելյան ՀՀ-ն շարունակելու է իր դաշնակցային գործընթացը ՌԴ-ի հետ, կամ դրա տարածաշրջանային այլընտրանքը Թուրքիան է․ Դանիելյան