ԱՄՆ դեսպանը «թայմ-աութ» է վերցրել

«Իրավունք»-ի միանգամայն հավաստի տեղեկությունների համաձայն` Միացյալ Նահանգների նախորդ վարչակարգի օրոք ՀՀ-ում ԱՄՆ դեսպան նշանակված ՔՐԻՍՏԻՆԱ ՔՎԻՆԸ ներքին հրահանգ է իջեցրել դեսպանատան աշխատակիցներին՝ ակտիվություն չդրսեւորել այս կամ այն ծրագրերում, հատկապես, եթե այն ունի քաղաքական ենթատեքստ: Ավելին՝ դեսպանատունը նվազեցրել է հաճախորդ քաղաքական գործիչների եւ քաղաքացիական սեկտորի ներկայացուցիչների հետ շփումները: Սա անհանգստություն է պատճառել ոչ միայն վերջիններիս, այլեւ ՀՀ-ում արեւմտյան դեսպանատներին, էլ չասած՝ իշխանություններին ու հատկապես՝ իշխանական 5-րդ շարասյանը: Իսկ պատճառը ԱՄՆ պետքարտուղարության հրահանգն է ամերիկյան դեսպանատներին ամբողջ աշխարհում՝ կտրուկ շարժումներ չանել եւ սպասել հրահանգի, այդ թվում՝ մի շարք դեսպանների փոփոխության: Իսկ չենթարկվողներին, ԿՀՎ-ից հայտնի մեթոդով, կխնդրեն առհասարակ հեռանալ համակարգից, որը ջուրը կգցի դեսպանների երկարամյան մասնագիտական գործունեության բոլոր արդյունքները: Մնում է ենթարկվել, ինչքան էլ, որ դիվանագիտական համակարգի մեծ մասը, այդ թվում՝ մեր տեղական ամերիկյան դեսպանի համակրանքն ավելի շատ դեմոկրատների ուղղությամբ է:

Սեփ. լրատվություն

Այս թեմայով Սաակաշվիլին կարծում է, որ իր դուստրը կարող է դառնալ ԱՄՆ նախագահ Ֆրանսիայի արտգործնախարար. Եվրոպան կմասնակցի Աբու Դաբիում Ռուսաստանի, ԱՄՆ-ի և Ուկրաինայի միջև բանակցություններին ԱՄՆ-ն առաջարկել է, որ Եվրոպան վերադառնա ՆԱՏՕ-Ռուսաստան խորհրդի ձևաչափին. The Washington Post Կրեմլը կոչ է արել եզրակացություններ չանել ԱՄՆ-ում G20-ի գագաթնաժողովին Պուտինի մասնակցության վերաբերյալ Իրանը պատրաստվում է Եվրոպայում ամերիկյան բազաներին հնարավոր պատասխան հարվածների. Սա ԱՄՆ-ի համար մեծ խնդիր է