Արյունոտ կադրեր Վարդան Ղուկասյանի ձերբակալությունից. Ֆոտո

Այսօր Քրեական ոստիկանության հատուկ ջոկատայինները Գյումրու նախին քաղաքապետ Վարդան Ղուկասյանին ու նրա փաստաբան Տիգրան Սիմոնյանին ապօրինի զենք-զինամթերք պահելու կասկածանքով ձերբակալել, սակայն ժամեր անց նրանց ազատ են արձակել։ Վարդան Ղուկասյանի փաստաբան Արամայիս Հայրապետյանը լրագրողներին ասել էր, որ նրանց ապօրինի են ձերբակալել, չկա քրեական վարույթ, Վարդան Ղուկասյանի մոտ որևէ զենք չի եղել և որ դա շոու է ընտրություններից առաջ։ Փաստաբանը նաև պատմել էր, որ Վարդան Ղուկասյանին ու նրա թիկնապահին ձերբակալել են անպատվաբեր ձևով, մարմնական վնասվածքներ հասցնելով, վնասել էին նաև նախկին քաղաքապետի մեքենան։
Ոստիկանության մարզային վարչությունից դուրս գալուն պես՝ Վարդան Ղուկասյանն իր հերթին լրագրողների հետ զրույցում ասել էր.«Հերթական լկտիություն ասեմ, թե ասեմ մարդու իրավունքների ոտնահարում, ես երկար տարիներ Ազգային ժողովում պատգամավոր եմ եղել, քաղաքապետ, բոլոր նախագահների ժամանակ եղել եմ, բայց էս ձևի վիճակ, ինչ-որ սրանք արեցին այսօր՝ ավտոմատներով, մարդուն գետին պառկեցնելով, քարշ տալով շան պես, էս ձևի․․․64-65 տարեկան մարդ ենք, բայց սրանք վարքագիծը, մասկեքը փակած՝ թուրքի շպիոն են բռնում, թուրք են բռնում, թե սրանով ինչ են ուզում ասեն։ Յանի զենք են ման գալիս վրեքս։ Ասում են՝ զենքդ ուրա, զենքդ ուրա, ասի զենքը ձեր վրեն է, մենք ինչի պիտի զենք վերցնենք, ում համար պիտի զենք վերցնենք, մի խոսքով Տիգրան ոտքն էին վնասել, մի խոսքով էսպիսի խուլիգանական ձևով բերել-հասցրել էին էստեղ»։ Ինչևէ, Վարդան Ղուկասյանի ազատ արձակվելուն պես լրագրողները նկատեցին նրա դեմքի քերծվածքները։ Մեր ձեռքի տակ հայտնվեցին թիկնապահի լուսանկարները՝ ոտքի, գլխի վնասվածքներով։ Նրան տեղափոխել էին Գյումրի բժշկական կենտրոն։ 

Այս թեմայով Այսօր Արթուր Ալեքսանյանի հարսանեկան արարողությունն է Վերին Լարսի անցակետը փակվել է բեռնատարների համար ձյան և օդի ցածր ջերմաստիճանի պատճառով ՀՐԱՏԱՊ. Բազմիցս փորձել է ինքնասպանություն գործել. Բացառիկ մանրամասներ Խորխոռունու գործով Սաակաշվիլին կարծում է, որ իր դուստրը կարող է դառնալ ԱՄՆ նախագահ Ֆինանսական աստղագուշակ՝ 2026 թվականի նոյեմբերի համար