Չնայած տարածաշրջանային մի շարք հարցերի շուրջ տարաձայնություններին, Իրանը և Թուրքիան պահպանում են կայուն և զարգացող հարաբերություններ․ Իրանցի միջազգայնագետ

Հանդիպում 22 Փետրվար, 2025 7:00

Երկու օր տեւած քննարկումներից հետո Հայաստանի խորհրդարանը ձայների 64 դեմ 7 հարաբերակցությամբ ընդունեց Եվրամիությանն անդամակցության գործընթացը սկսելու օրինագիծը: Ինչպիսի՞ն է վերոնշյալի արձագանքը Իրանում և հնարավո՞ր է, որ Իրանը այս գործընթացից հետո վերանայի իր դիրքորոշումը Հայաստանի նկատմամբ IRAVUNK-ը հետաքրքրվել է իրանցի հայտնի միջազգայնագետ ԽԱՅԱԼ ՄՈՒԱԶԶԻՆԻՑ․

-Իրանն ավանդաբար հավատարիմ է այլ երկրների ներքին քաղաքականությանը չմիջամտելու սկզբունքին և հարգում է Հայաստանի ընտրությունը։ Թեհրանի և Երևանի հարաբերություններն ունեն խորը պատմական արմատներ և ռազմավարական նշանակություն, ուստի այս որոշումը չի հանգեցնի երկկողմ հարաբերությունների վատթարացման։

Իրանի քաղաքական շրջանակներում հստակ ըմբռնում կա, որ Հայաստանը թույլ չի տա Իրանի հետ հարաբերությունների վատթարացում եւ չի զոհաբերի Թեհրանի հետ համագործակցությունը հանուն արեւմտյան ազդեցության։

Ավելին, Հայաստանի ղեկավարությունը քաջ գիտակցում է, որ Իրանը կարևոր տեղ է զբաղեցնում ձևավորվող նոր աշխարհակարգում, և Երևանը շահագրգռված չէ լարվածություն ստեղծելով տարածաշրջանային կայունության մեջ առանցքային դեր ունեցող հարևանի հետ։

Հայաստանի և ԵՄ-ի մերձեցման գործընթացը խոչընդոտ չէ իրանա-հայկական համագործակցության համար, և երկու կողմերն էլ շահագրգռված են ամուր երկկողմ հարաբերությունների պահպանմամբ։

-Ի՞նչ զարգացումներ կարելի է սպասել այսօր իրանա-թուրքական հարաբերություններում։

- Չնայած տարածաշրջանային մի շարք հարցերի շուրջ տարաձայնություններին, Իրանը և Թուրքիան պահպանում են կայուն և զարգացող հարաբերություններ՝ հիմնված փոխադարձ շահերի վրա։ Երկու երկրներն էլ հասկանում են, որ իրենց համագործակցությունը կարևոր գործոն է տարածաշրջանում կայունության համար, և ձգտում են փոխզիջումային լուծումներ գտնել նույնիսկ բարդ հարցերի շուրջ։

Թուրքիայի հետախուզության ղեկավարի վերջերս Իրան կատարած այցը շրջադարձային իրադարձություն է, որը ցույց է տալիս երկու երկրների ցանկությունը՝ ամրապնդել քաղաքական համագործակցությունը և համակարգել անվտանգության ջանքերը տարածաշրջանում: Սա ընդգծում է, որ Թեհրանն ու Անկարան պատրաստ են նոր քաղաքական կամք դրսևորել խնդիրների լուծման և իրենց ազգային շահերը պաշտպանելու համար։

Իրանա-թուրքական հարաբերությունները զարգանում են պրագմատիկ համագործակցության ուղղությամբ՝ չնայած որոշ տարաձայնություններին։ Երկու պետություններն էլ գիտակցում են քաղաքական համակարգման կարևորությունը և մտադիր են շարունակել երկկողմ կապերի ամրապնդումը։

Այս թեմայով

Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը

«Եթե Թուրքիան օգնի Սաուդյան Արաբիային, մենք կհարվածենք երկաթե բռունցքով». Հուսիթների ներկայացուցիչ

Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար

Իրանը Կատարի միջոցով ԱՄՆ-ին է փոխանցել պատերազմը դադարեցնելու իր պայմանները. Ռեզայի

2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան