ԶԵԼԵՆՍԿՈՒՆ «ԹԱՂՈՒՄ» ԵՆ, ՈՐ ՄՅՈՒՍՆԵՐԻ ԱՉՔԸ ՎԱԽԵՆԱՆ

Ա­մեն դեպ­քում, ան­կախ նրա­նից, թե այս ինչ նոր խաղ է փոր­ձում սկսել կամ սկսել է Նի­կո­լը (Տե´ս նաեւ https://iravunk.com/?p=306017&l=am), մեկ բան աչ­քա­թող ա­նել չի կա­րե­լի: Այն զար­գա­ցում­նե­րը, որ ներ­կա­յումս ըն­թա­նում են աշ­խար­հում, այն­պի­սի խոր­քա­յին փո­փո­խութ­յու­ններ են խոս­տա­նում, որ հա­մե­մա­տա­բար մանր-մու­նր խա­ղե­րը եւ խա­ղա­ցող­նե­րը, ու­զեն թե չու­զեն, ստիպ­ված են լի­նե­լու տե­ղա­փոխ­վել այդ գլո­բալ ե­րե­ւույթ­նե­րի շրջա­նակ­նե­րում: Եվ­րո­պան, նրա­նով ո­գե­ւոր­ված նաեւ Զե­լենս­կին, մի պահ փոր­ձե­ցին դեմ գնալ, բայց…

Այն վի­ճա­կը, ո­րում հայտն­վել է Զե­լենս­կին, ոչ թե պար­զա­պես նրա հա­մար «մորթ­վել-թաղ­վե­լու» պես մի բան է, այլ ա­վե­լի նման է ցու­ցադ­րա­կան պատ­ժի՝ մյուս հա­կա­ճա­ռող­նե­րին զգու­շաց­նե­լու հա­մար:

Այս­պես, Զե­լենս­կու նկատ­մամբ Թ­րամփն ար­դեն ան­ցել է այն­պի­սի բա­ռա­պա­շա­րի, ինչ­պի­սին է ա­ռանց ընտ­րութ­յուն­նե­րի բռնա­պետ դար­ձած կա­տա­կեր­գու, 4 տո­կոս վար­կա­նիշ ու­նե­ցող անձ­նա­վո­րութ­յուն, ո­րի պատ­ճա­ռով Բայ­դե­նը 350 մի­լիարդ ամե­րիկ­յան փո­ղեր է ծախ­սել նա­խա­պես տա­նուլ տված պա­տե­րազ­մում, եր­կիրն ա­վե­րած եւ մի­լիո­նա­վոր մարդ­կանց մահ­վան պատ­ճառ դար­ձած եւ այլն: Կարճ ա­սած, որ պա­տե­րազ­մը սկսվե­լու եւ ժա­մա­նա­կին չկանգ­նեց­նե­լու հիմ­նա­կան մե­ղա­վո­րը հենց Զե­լենս­կին է, եւ, ի­հար­կե, նրա թի­կուն­քին կանգ­նած­նե­րը: Ս­րա­նով Թ­րամ­փը վերջ­նա­կա­նո­րեն է ա­նե­լա­նե­լի վի­ճա­կում դնում Զե­լենս­կուն: Նախ, ե­թե Եվ­րո­պա­յում վեր­ջին օ­րե­րին ո­մանք դեռ ակ­տի­վո­րեն խո­սում էին Կիե­ւին ա­ջակ­ցե­լու մա­սին, հի­մա հաս­կա­նում են, որ շա­րու­նա­կե­լու դեպ­քում ա­մե­րիկ­յան այս ողջ հե­ղե­ղը հի­մա էլ ան­հա­տա­պես պաշտ­պա­նող­նե­րից ա­մեն մե­կին է հար­վա­ծե­լու: Եվ որ սրա­նից հե­տո, օ­րի­նակ, Մակ­րո­նը, սկսեց հրա­պա­րա­կավ խո­սել, որ չի պատ­րաստ­վում ֆրան­սիա­կան ցա­մա­քա­յին զոր­քեր ու­ղար­կել Ուկ­րաի­նա, Զե­լենս­կուն դնում է «օգ­տա­գործ­ված եւ դեն նետ­վա­ծի» կար­գա­վի­ճա­կում: Ա­ռա­վել եւս, որ նաեւ նե­րուկ­րաի­նա­կան դաշտն է սկսել ե­ռալ. երբ այդ երկ­րում 80 տո­կոս վար­կա­նիշ ու­նե­ցող Թ­րամփն ա­սում է, թե Զե­լենս­կին դի­տա­վոր­յալ է հար­յուր հա­զա­րա­վոր մարդ­կանց ու­ղար­կել սպան­դի, այլ բան չէր կա­րող լի­նել: Վեր­ջա­պես, Զե­լենս­կու հա­մար ա­մե­նա­վատն այն է, որ այս խմո­րում­նե­րը հա­սել են բա­նակ. հա­նուն այս «4 տո­կո­սա­նոց բռնա­պե­տի՞» պետք է շա­րու­նա­կեն մեռ­նել, որ նա իր կա­շի՞ն փրկի: Պա­տե­րազմն էլ, ի դեպ, շա­րու­նակ­վում է ակ­տիվ տեմ­պե­րով, ու թե այս ի­րա­վի­ճակն ինչ ըն­թացք է դրան տա­լու, դժվար չէ հաս­կա­նալ:

Այս ա­մե­նից զատ էլ ԱՄՆ-ն­ ար­դեն խո­սում է իր տված գու­մար­նե­րի ծախ­սե­րը մո­նի­տո­րին­գի են­թար­կե­լու մա­սին, եւ այն ,որ դրա արդ­յուն­քում կբա­ցա­հայտ­վի հար­յու­րա­վոր մի­լիարդ­նե­րի թա­լան, իսկ թե­լե­րը կտա­նեն մին­չեւ ա­մե­րիկ­յան նախ­կին վար­չա­կազմ, կաս­կած­ներ գործ­նա­կա­նում չկան: Ընդ ո­րում, սա էա­կան նշա­նա­կութ­յուն ու­նի թրամ­փա­կան­նե­րի հա­մար. խո­շոր հաշ­վով, նրանց հիմ­նա­կան կռիվն այս պա­հին նե­րա­մե­րիկ­յան լի­բե­րաստ­նե­րի հետ է: Ա­պա եվ­րա­լի­բե­րաստ­նե­րի, ո­րոնք հի­մ­նա­կանում այս պա­հին աս­տի­ճա­նա­բար հայտն­վում են «մե­ռած ու չթաղ­ված» վի­ճա­կում: Ինչ վե­րա­բե­րվում է Զե­լենս­կուն, ա­պա նա, թեեւ ար­դեն Էր­դո­ղա­նից է քա­ղա­քա­կան ա­պաս­տան խնդրում, բայց ե­րե­ւի ա­նի­մաստ. Զե­լենս­կին ար­դեն քոռ գրո­շի ար­ժեք չու­նի, եւ նրա ճա­կա­տա­գի­րը, ըստ ա­մե­նայ­նի, կլու­ծեն հենց ուկ­րաի­նա­ցի­նե­րը:

Ա­հա այս ա­մե­նին զու­գա­հեռ, սկսվեց նաեւ G-20 գա­գա­թա­ժո­ղո­վը, եւ ներ­կա բո­լոր խմո­րում­նե­րը տե­ղա­փոխ­վում են այդ հար­թակ: Այ­սինքն, նույն միան­գա­մայն սուր եւ ու­շագ­րավ զար­գա­ցում­ներն այս հար­թա­կում, սպա­սե­լի է, որ ո­րո­շա­կի հան­գու­ցա­լու­ծում­ներ կստա­նան:

­Բայց նաեւ նկա­տենք, որ Թ­րամ­փը, պա­տե­րազ­մի մե­ղա­վո­րութ­յու­նը ուղ­ղե­լով Զե­լենս­կուն եւ Բայ­դե­նին (եւ այլ խա­մաճիկ­նե­րի), ըստ էութ­յան, դրա­նով Մոսկ­վա­յից է հե­ռաց­նում այն հին մե­ղադ­րանք­նե­րը, թե Պու­տի­նը հենց այն­պես հար­ձակ­վեց Ուկ­րաի­նա­յի վրա եւ հի­մա սպառ­նում է բո­լո­րին: Սա ար­դեն եւս մեկ ցու­ցադ­րա­կան մե­սիջ է, որ Մոսկ­վա­յի հետ բա­նակ­ցա­յին ա­ռա­ջին ռաուն­դը Վա­շինգ­տո­նում գնա­հա­տում են բա­վա­րար, եւ կշա­րու­նակ­վի նույն­քան ակ­տիվ ըն­թացք: Ա­ռա­վել եւս, որ նույն պա­տաս­խա­նը կա նաեւ Մոսկ­վա­յից: Պու­տի­նը եւս գնա­հա­տեց Ռիա­դում կա­յա­ցած բա­նակ­ցութ­յուն­ները՝ ներ­կա­յաց­նե­լով նման մտքեր: Նախ, «Բա­նակ­ցութ­յուն­նե­րի արդ­յունք­նե­րը դրա­կան էին, հան­դի­պու­մը՝ ըն­կե­րա­կան»: Նաեւ, որ սա, բնա­կան է, ա­ռա­ջին քայլն էր, եւ կլի­նի հե­տա­գա ակ­տիվ ըն­թացք: Վեր­ջա­պես, որ ՌԴ նա­խա­գահն ին­քը «հա­ճույ­քով» կհան­դի­պի ԱՄՆ ա­ռաջ­նոր­դի հետ: Ու մյուս կող­մից՝ Եվ­րո­պան ուկ­րաի­նա­կան բա­նակ­ցութ­յուն­նե­րում տեղ չու­նի, ու նաեւ՝ «Ռու­սաս­տա­նի եւ ԱՄՆ-ի միջեւ երկ­խո­սութ­յան մեջ միջ­նորդ­ներ պետք չեն»:

­Մի խոս­քով, կար­ծես թե ա­նակն­կալ­ներ չեն լի­նե­լու: Բուն Ուկ­րաի­նա­յի մա­սով՝ Զե­լենս­կուն ցու­ցադ­րա­բար «թա­ղում» են, եւ, ըստ ա­մե­նայ­նի, նրան փո­խա­րի­նե­լու ե­կող ա­վե­լի լե­գի­տիմ մե­կը կստո­րագ­րի այն փա­թե­թը, ո­րը կստեղծ­վի ռուս-ա­մե­րիկ­յան պայ­մա­նա­վոր­վա­ծութ­յու­ննե­րի արդ­յուն­քում:

­Նաեւ, որ, ինչ­պես քա­նիցս ենք նշել, այդ բա­նակ­ցութ­յու­նն­երում ուկ­րաի­նա­կան թե­ման ա­մե­նե­ւին էլ հիմ­նա­կա­նը չէ: Կան քննար­կում­ների շատ մեծ եւ ծա­վա­լուն դա­շտ, ո­րը, ըստ էութ­յան, նշա­նա­կում է աշ­խար­հա­քա­ղա­քա­կան նոր վե­րա­բա­ժա­նում: Ինչ որ պա­հի, թե­րեւս, կմիա­նա նաեւ Չի­նաս­տա­նը: Ա­մեն դեպ­քում, ԱՄՆ-ում ար­դեն խո­սում են պաշտ­պա­նա­կան բյու­ջեն մոտ 40-50 տո­կո­սով կր­ճա­տե­լու ծրագ­րե­րի մա­սին, ինչն ար­դեն իսկ ակ­նար­կում է, որ այս գոր­ծըն­թաց­նե­րը ծրագր­վում են ա­ռա­ջի­կա տաս­նամ­յակ­նե­րի կտրված­քով:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թրամփի աչքը հիմա էլ Լուսնի վրա է Ուիտկոֆը և Քուշները, ըստ էության, վերջնագիր ներկայացրեցին Զելենսկուն Զելենսկուն սկսում են «դուրս գրել» Արևմտյան հովանավորները որոշել են դուրս գրել Զելենսկուն. Ուկրաինական աղբյուր