Զենք-զինամթերքի կամավոր հանձնումները շարունակվում են

Ոստիկանության տարածքային ստորաբաժանումները շարունակում են բնակչության շրջանում բացատրական աշխատանքը` ապօրինի պահվող զենք-զինամթերքը կամավոր հանձնելու ուղղությամբ: Ներկայացնենք ևս երկու դեպք:

Փետրվարի 20-ին 1-02 զանգահարած քաղաքացին հայտնել էր, որ ինքը 44-օրյա պատերազմի մասնակից է, և Արմավիր քաղաքի «Ջաջուռի գարաժներ» կոչվող տարածքում թողել է զենք-զինամթերք: Նշված վայր մեկնած Արմավիրի համայնքային ոստիկանները հայտնաբերել են «Կալաշնիկովի» երկու ինքնաձիգ, որսորդական չորս հրացան, օդաճնշիչ երկու ատրճանակ, վեց նռնակ, տարբեր տեսակի փամփուշտներ ու այլ զինամթերք:

Մի անհայտ քաղաքացի էլ 911 ծառայություն զանգահարել է փետրվարի 22-ին: Այս դեպքում էլ 44-օրյա պատերազմի մասնակից ներկայացած տղամարդը հայտնել է զենք-զինամթերքի տեղը:

Մեկնած Վայոց ձորի մարզի պարեկները Եղեգնաձոր քաղաքում, կիսաքանդ շինության մեջ հայտնաբերել են երկու ատրճանակ, լուսավորող հրթիռ, չորս նռնակ ու փամփուշտներ:

Հիշեցնենք, որ ապօրինի պահվող զենք-զինամթերքը կամավոր հանձնած անձինք ազատվում են քրեական պատասխանատվությունից: Ոստիկանության բացատրական աշխատանքը շարունակվում է։

Այս թեմայով Եվրոպացիները գնալով հոգնում են Ուկրաինայում պատերազմից և հակված են խաղաղության՝ տարածքային զիջումներով. Le Monde Ֆրանսիայում կրկին զանգվածային ցույցեր են՝ ոստիկանության հետ բախումներով հանդերձ Ուկրաինան ստիպված կլինի տարածքային զիջումներ անել. Ռուտտե Զելենսկին պատրաստ է տարածքային հարցեր քննարկել Պուտինի հետ. Ուկրաինայի արտգործնախարար ՀՐԱՏԱՊ. պետական ինքնիշխանության հաշվին արված սխալի բեռը կարող է մնալ սերունդների ուսերին