Ճահիճ, որը մեկ անգամ ճաշակելուց հետո ամբողջ ուժով տանում է կործանման․Սարսափազդու փաստեր

Արատավոր երևույթներից խաղամոլությամբ, ալկոհոլիզմով ու թմրամոլությամբ Հայաստանում հիմնականում տառապում են տղամարդիկ։ Դրանք արդեն տարածված են նաեւ անչափահասների շրջանում։ Իսկ խաղամոլները հիմնականում անհավասարակշիռ, ագահ մարդիկ են և տան անբարենպաստ հոգեբանական մթնոլորտում ապրողներ: Երիտասարդների շրջանում էլ խաղամոլության տարածումը,  ըստ հոգեբան Միհրդատ Մադաթյանի, պայմանավորված է ճանաչված մարդկանց մասնակցությամբ  խաղատների և բուքմեյքերական ընկերությունների գովազդներով․

-Լարվածություն, մենակության զգացում, ռիսկի դիմելու հակում, անհամապատասխան ինքնագնահատական, հոգեբանական շեղումներ, ագահություն, մեկ- երկու անգամ հեշտությամբ գումար վաստակելու ճանապարհ. սրանք այն անձնային գծերն են, որոնք բնորոշ են խաղամոլին: Խաղամոլության ձևավորմանը  նպաստում են կյանքի  անբարենպաստ պայմանները, տան անբարենպաստ հոգեբանական մթնոլորտը։ աղամոլությունը նույնպես հիվանդություն է եւ ինչպես մյուս հիվանդությունները,  ավելի լավ է կանխարգելել այն, քան՝ բուժել, քանի որ ուսումնասիրությունները ցույց են տվել, որ  1-ից 2 տոկոս երիտասարդներն են ազատվում վտանգավոր մոլությունից։ Խաղամոլությունը մեջ հայտնված մարդն ինքնակամ գրեթե չի կարողանում ազատվել այդ արատավոր բարքից, այն ճահիճ է, որ մեկ անգամ ճաշակելուց հետո ամբողջ ուժով տանում է կործանման։

Դա է պատճառը, որ քաղաքակիրթ պետությունները փորձում են իրենց ստրատեգիան այնպես ձեւավորել, որպեսզի այդ խոցելի խումբը վտանգված չլինի։ Իսկ Հայաստանում լրիվ հակառակ վիճակն է, ունենք խաղամոլության անհսկելիություն եւ ազատ գովազդ, չնայած որ ի սկզբանե այս իշխանությունները խոսում էին հսկելիության մասին, սակայն այսօր տեսնում ենք ամբողջությամբ հակառակ ստարտեգիա։ Ինչի շնորհիվ հասարակության մի ստվար զանգված դարձել է օնլայն խաղատների գերի։

Ամփոփելով խոսքս կարող եմ փաստել, որ ցավոք, Հայաստան պետությունը ստեղծել է նպաստավոր պայմաններ խաղամոլության զարգացման ու տարածման համար։

-Պարոն Մադաթյան, արդեն գարուն է, եւ գիտականորեն ապացուցված է, որ այս շրջանում մարդկանց էմոցիոնալ ֆոնը ավելի դյուրագրգիռ է, ի՞նչ հետեւանքներով է հղի նման իրավիճակը։

-Շատ ճիշտ նկատեցիք, գարնան եւ աշնան շրջանում սրվում է մարդկանց էմոցիոնալ, հուզական վիճակը, ինչը նպաստում է ինքնասպանությունների, ինաավնասումների, դեպրեսիաների շատացմանը, սա շրջան է, որը լի է էմոցիոնալ ակտիվացմամբ, ընդ որում թե բացասական, թե դրական հույզերի դեպքում է այդ ակտիվությունը տեղի ունենում։

-Կա՞ էմոցիոնալ ֆոնը հնարավորինս կայուն վիճակում պահելու բանաձեւ ծայրահեղություններից խուսափելու համար։

-Ցավոք, նման բանալի չունի աշխարհը։

-Պարոն Մադաթյանը, նշում են, որ ինքնասպանության դիմած մեծ մասը վերջին պահին փոշմանում են, բայց արդեն ոչինչ փոխել հնարավոր չէ։ Կա՞ նման ապացույց հոգեբանության մեջ։

-Կդժվարանամ ասել, եթե աֆեկտի վիճակի մեջ են վստահաբար չեն փոշմանում, իհարկե կլինեն նաեւ մարդիկ, որոնք գուցե փոշմանեն, բայց դա հազվադեպ է լինում, համենայնդեպս իմ պրակտիկան դա է հուշում։

-Հաճախ ինքնասպանության դիմում իրենց ոլորտում կայացած, հաջողակ մարդիկ․․․

-Հաջողությունը ինքնասպանության հետ որեւէ կապ չունի, նման մարդկանց մոտ պահի ազդեցությամբ խորը ընկճախտ է առաջանում, հոգեբանական ցիկլեր են խախտվում, սինուսիոդալ ցիկլը իջնում է ներքեւ եւ պահպանվում երկար ժամանակ, տեղի է ունենում հոգեբանական դեֆորմացիա եւ այլն։ 

Այս թեմայով Հսկա բեռնանավը հարվածել է ձկնորսական նավի՝ գրեթե խորտակելով այն (Տեսանյութ) Վիրավոր իմ Հայաստան, դու դեռ ուղղելու ես քո ողնաշարը «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն