Փակվում են բոլոր եկեղեցիների խորանների վարագույրները

Այսօր Մեծ Պահքի առաջին կիրակին է՝ Բուն բարեկենդանը, հայտնում են Մայր Աթոռի տեղեկատվական համակարգից։

Պահքի բոլոր շաբաթների կամ շրջանների նախընթաց օրը, բացառությամբ Ծննդյան պահքի, միշտ կիրակի է լինում և կոչվում բարեկենդան: Ըստ այսմ, Մեծ Պահքի նախընթաց օրն էլ կոչվում է Մեծ կամ Բուն Բարեկենդան: Բարեկենդան նշանակում է բարի կենդանություն, բարի կյանք, ինչը հիշատակն է մարդկային առաջին երջանկության, որը պատկերված է Աստվածաշնչի Ծննդոց գրքում՝ Ադամի և Եվայի «դրախտային» կյանքի պատմությամբ:

Բուն Բարեկենդանը Մեծ Պահքի կիրակիներից առաջինն է։

Բարեկենդանին մարդիկ ուրախանում և զվարճանում են, ճաշակում համեղ կերակուրներ, կազմակերպում տարբեր խաղեր ու պարեր, ասես դրանով խորհրդանշեն դրախտային կյանքը, ուր մարդուն թույլատրված էր ճաշակել բոլոր պտուղներից և վայելել ամեն բան, բացի բարու և չարի իմացության ծառի պտղից։

Բուն Բարեկենդանին նախորդող շաբաթ օրը, երեկոյան ժամերգության ընթացքում, փակվում են բոլոր եկեղեցիների խորանների վարագույրները և բացվում են Սուրբ Հարության Ճրագալույցի Պատարագին։ Մեծ Պահքի ընթացքում վարագույրը բացվում է միայն Ծաղկազարդին, Ավագ հինգշաբթի՝ Մեր Տեր և Փրկիչ Հիսուս Քրիստոսի Վերջին ընթրիքի հիշատակության և Սուրբ Հաղորդության խորհրդի հաստատման Ս․ Պատարգին, Ոտնլվայի արարողությանը, Սուրբ Գրիգոր Լուսավորչի մուտքը վիրապ, Սուրբ Մարիամ Աստվածածնի ավետման, Տեառընդառաջի տոներին, եթե դրանք հանդիպում են Մեծ Պահքի օրերին:

Այս թեմայով 11։11. Ի՞նչ է ուզում ճակատագիրը մեզ ասել, կրկնվող թվերի օրը Եթե գաղտնի զրույց, ապա միայն Revexor. Հիմնադիրը փակագծեր է բացում Թրամփը հայտարարեց, որ վետո կդնի դեմոկրատների բոլոր որոշումների վրա, եթե նրանք հաղթեն ընտրություններում Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Չմտածված հայտարարություններով հնարավոր է միայն սրել իրավիճակը.Տնտեսագիտության դոկտորը ԵՏՄ-ից դուրս գալու մասին