Սոցիալական ծախսերի փոխհատուցման ուղեցույցը հրապարակվել է. ՊԵԿ

ՀՀ Կառավարությունը կվերադարձնի տարեկան հայտարարագիր լրացրած քաղաքացիների եկամտային հարկը՝ որպես առողջապահության և/կամ կրթության գծով իրենց կողմից կատարված սոցիալական ծախսերի փոխհատուցում։ Կառավարությունը պատրաստել և հրապարակել է ուղեցույց, որտեղ քաղաքացիները կարող են ծանոթանալ որոշման բոլոր պայմաններին։ Այս մասին հայտնում են ՊԵԿ-ից։

Եկամտային հարկ վճարող և տարեկան հայտարարագիրը լրացրած քաղաքացիները կարող են Կառավարության կողմից ստանալ փոխհատուցում իրենց կամ իրենց ընտանիքի անդամների կրթության, ատամնաբուժական ծառայությունների կամ առողջապահական ապահովագրության փաթեթների ձեռքբերման դիմաց։

Փոխհատուցումը յուրաքանչյուր հաշվետու տարվա համար չի կարող գերազանցել 100 հազար դրամը, ինչպես նաև պարտադիր պայման է վճարումներն իրականացնել անկանխիկ եղանակով (բացառություն է միայն դպրոցական դասագրքերի համար վճարվող գումարը):

Կառավարության կողմից հրապարակված ուղեցույցում քաղաքացիները կարող են ծանոթանալ սոցիալական ծախսի փոխհատուցման բոլոր պայմաններին, ինչպես նաև դիմում ներկայացնելու քայլերի հաջորդականությանը։ Ուղեցույցը կարող եք գտնել այս հղումով։

Այս թեմայով ՍԱՐՍԱՓ. ՊԵԿ նախկին նախագահ Գագիկ Խաչատրյանը՝ դատարանի նիստերի դահլիճում ՀԷՑ-ի գրավադրման ոդիսականը եւ Կառավարության ժառանգած վարկային պարտավորությունը Ոչ դիլերների համար էլեկտրամոբիլների ներմուծման քվոտան սպառվում է. մնացորդը՝ 1000 հատ. ՊԵԿ Ինչպես կատարել անշարժ գույքի վարձակալությունից ստացված հարկային պարտավորությունները. ՊԵԿ պարզաբանում «Հրապարակ». ՊԵԿ 24/7 ռեժիմով Գագիկ Ծառուկյանի բիզնեսներն են ստուգում