Բացահայտվել է սերմնահեղուկի որակի և կյանքի տևողության միջև կապը

Սերմնահեղուկի ավելի բարձր որակ ունեցող տղամարդիկ ավելի երկար են ապրում: Նման եզրակացության են հանգել Կոպենհագենի համալսարանական հիվանդանոցի հետազոտողները՝ վերլուծելով 50 տարվա ընթացքում 78 հազար մարդու տվյալներ, հաղորդում է Medical Xpress-ը:

Human Reproduction-ում հրապարակված արդյունքները ցույց են տվել, որ 120 միլիոնից ավելի սպերմատոզոիդների շարժունակություն ունեցող տղամարդիկ միջինում 2-3 տարի ավելի երկար են ապրում, քան նրանք, ում մոտ այդ ցուցանիշը 5 միլիոնից պակաս է:

Հետազոտությունն անցկացվել է անպտղության հարցերով կլինիկա դիմած տղամարդկանց շրջանում։ Գիտնականները գնահատել են սերմնահեղուկի ծավալը, կոնցենտրացիան և շարժունակությունը։

«Մենք պարզեցինք, որ որքան ցածր է սերմնահեղուկի որակը, այնքան կարճ է կյանքի տևողությունը։ Ընդ որում, կապը չի բացատրվում քրոնիկ հիվանդություններով», - նշել է աշխատանքի գլխավոր հեղինակ դոկտոր Լարկե Պրիսկորնը։

Գիտնականների կարծիքով՝ սերմնահեղուկի ցածր որակը կարող է առողջության հետ կապված թաքնված խնդիրների ցուցիչ լինել, որոնք ազդում են ինչպես պտղաբերության, այնպես էլ օրգանիզմի ընդհանուր վիճակի վրա: Ինչը հնարավորություն է տալիս օգտագործել սերմնահեղուկի փորձարկումը ոչ միայն վերարտադրողական առողջությունը գնահատելու, այլև լուրջ հիվանդությունների զարգացման հավանական ռիսկերը բացահայտելու համար:

Հետազոտողները նախատեսում են շարունակել աշխատանքը, որպեսզի պարզեն՝ հատկապես որ հիվանդություններն են ավելի հաճախ հանդիպում սերմնաբջիջների ցածր շարժունակություն ունեցող տղամարդկանց շրջանում:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով Լիսկան դոկտոր-պրոֆեսոր է, Ծառուկյանն էլ՝ գրքի հեղինակ, հլը պտի պատասխան տաք. Փաշինյանը՝ կրթության որակի մասին