Անվտանգության ուժեր են տարածված քաղաքում, խուզարկություններ են, փակ են դպրոցները, եկեղեցիները.Իրավիճակը Սիրայում

Սիրայում այս օրերին փակ են եկեղեցին, դպրոցները: Կրթության նախարարությունն այս երկու օրերին քաղաքում  ընդհանրապես փակ է հայտարարել դպրոցներն ու համալսարանները, մինչև իրավիճակը կմեղմանա, -անդրադառնալով Սիրայում առկա իրողություններին, ասաց Հալեպի «Գանձասար» թերթի գլխավոր խմբագիր Զարմիկ Պողիկյանը, նկատելով.

-Սիրիայի ժամանակավոր նախագահ Ահմեդ ալ-Շարաան բացատրել է, որ տեղի ունեցածը սպասված խնդիրների շրջանակում է, նկատի ունենալով Լաթաքիայում տարաձայնություններ սերմանելու և շփոթություն առաջացնելու փորձերը նախկին իշխանության կողմնակիցների կողմից: Իր հերթին, Լաթաքիայի նահանգապետ Մոհամմադ Օսմանը կոչ է արել դադարեցնել, այսպես ասած, աղանդավորության հրահրումը, ընդգծելով, որ կան անձինք, ովքեր ապավինում են աղանդավորությանը և հրահրել են անցյալ հինգշաբթի ապստամբությունը սիրիական ափերի մի քանի շրջաններում, որտեղ ալավիական աղանդավորների մեծամասնությունը սկսել է հակամարտություն և լարվածություն:

Նույնն է վիճակը Տարտուսում և Բանիասում, որտեղ հայեր քիչ կան, նրանցից ոմանք տեղափոխվել են Հալեպ՝ անվտանգության նկատառումներով: Լաթաքիայում հայերը համեմատաբար մեծաթիվ են, որոնք շարունակում են մնալ իրենց տներում, չեն համարձակվում դուրս գալ, քանի որ կրակոցներ են լսվում և լարված է վիճակը, սակայն քաղաքի կենտրոնում այսօր համեմատաբար ավելի հանգիստ է:

Անվտանգության ուժեր են տարածված քաղաքում և խուզարկություններ,  գործողություններ են իրականացնում վտանգավոր երևույթները կանխելու համար: Ընդհանրապես՝ քաղաքում մարդիկ զգուշություն են ցուցաբերում, տներից դուրս չեն գալիս:

Այս թեմայով Սիրիայի ընդդիմության ներկայացուցիչները հանդիպել են հայ համայնքի հետ․«Գանձասար» շաբաթաթերթի խմբագիրը բացառիկ մանրամասներ է ներկայացնում Լուսինե Զաքարյանի բնակարանը վերջապես կվերածվի թանգարանի Մենք չենք կարող պաշտպանել մեկին, ով հայ զինվորի սնունդից, սպառազինությունից է գողացել. Աբո Պողիկյան Կուրսանտի սպանության մեջ մեղադրվողի գնդապետ հայրիկը դիրքորոշում չի հայտնում անգամ դատարանում