ՌԴ-ին շնորհակալություն ենք հայտնում, բայց ՀՀ բոլոր անցակետերում միայն ՀՀ սահմանապահներն են լինելու. Միրզոյան

Թուրքիայի հետ մեր կարգավորման գործընթացը շարունակվում է, բացի դիվանագիտական հարաբերությունների հաստատումից, առանցքային է սահմանների բացումը, մեր մինչև տրանսպորտային ենթակառուցվածքների վերագործարկումը: Այս մասին, այսօր՝ մարտի 14-ին, ԱԺ-ում կառավարության ծրագրի 2024-ի կատարողականի քննարկման ժամանակ հայտարարեց ԱԳ նախարար Արարատ Միրզոյանը:

«Գյումրի-Կարս երկաթուղու գործարկումն ուղղակի կենսական նշանակություն ունի և կարող է ընդհուպ մինչև Սև ծովի, Պարսից ծոցի մինչև ամբողջ տրանսպորտային շարժի մեջ առանցքային դեր ունենալ: Ունենք որոշակի պայմանավորվածություններ, պայմանավորվել ենք, օրինակ, համատեղ վերականգնել Անիի պատմական կամուրջը: Սա ուղղակի լրացնում է արդեն իսկ իրականացված որոշումները, որոնք սահմանում են ուղիղ օդային թռիչքներ, օդային բեռնափոխադրումների խոչընդոտների վերացում»,-ասաց նա: Միրզոյանը նկատեց, որ կան պայմանավորվածություններ, որոնք մինչ այս պահը կյանքի չեն կոչվել, օրինակ երրորդ երկրների քաղաքացիների համար ազատ շարժը սահմանով, այս սահմանի բացումը Հայաստանի և Թուրքիայի այն քաղաքացիների համար, ովքեր դիվանագիտական անձնագիր ունեն։

Այս թեմայով Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Արարատ Միրզոյանը Նյու Յորքում քննարկել է Արցախից բռնի տեղահանված անձանց երկարաժամկետ ինտեգրմանն ուղղված ծրագրերը Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան «Լեվ Գրուպը» շարունակում է փաստաբանական պրոֆեսիոնալիզմի մաստեր կլաս ցույց տալ Նյու Յորք այցից միայն չստիկները «քյար» մնացին