Ինչու է լռում Էրիկ Կարապետյանը

Օրերս աղմուկ բարձրացավ հայ երգիչ ԷՐԻԿ ԿԱՐԱՊԵՏՅԱՆԻ «Ոչ ավել, ոչ պակաս» երգի շուրջ: Բանն այն է, որ երգիչ Էրիկ Կարապետյանն ինստագրամյան իր միկրոբլոգի էջում հրապարակում էր կատարել առ այն, որ իր հայտնի «Ոչ ավել, ոչ պակաս» երգը ադրբեջանցիները գողացել են, հարցին տվել է իրավական ընթացք։

Էրիկի հեղինակային երգը հնչել է ադրբեջաներեն եւ մատուցվել ռուսական Առաջին ալիքով՝ Անդրեյ Մալախովի հեղինակային հաղորդման ընթացքում։ Երգիչը հայտնել էր, որ երգն արդեն երկրորդ անգամ, առանց իր որեւէ թույլտվության, հնչել է աղավաղված տարբերակով, եւ երգը ներկայացվել է որպես ադրբեջանական։ Այս աղմուկից հետո՝ հասարակությունը բուռն արձագանք է տվել, որից հետո «Песни от всей души» հաղորդման ինստագրամյան էջի մեկնաբանություններում իրական բողոքի ալիք է բարձրացել, ինչից հետո էլ հաղորդման`փետրվարի 16-ի եթերից հեռացվել է ադրբեջանցի երգիչների կատարման այդ հատվածը։

Հարկ է նշել, որ երգիչ Էրիկ Կարապետյանի երգը գրվել է հենց երգչի կողմից 2018 թվականին Երեւանում, իսկ խոսքերի հեղինակը Գրիգոր Կյոկչյանն է։

Թե ինչ փուլում է գտնվում դատական գործընթացը, եւ ինչպիսի պահանջներ է ներկայացրել հայ երգահանը, այս եւ մի շարք այլ հարցերի պատասխանները ստանալու համար «Իրավունք»-ը փորձեց խոսել երգահան, երգիչ Էրիկ Կարապետյանի հետ, սակայն վերջինս չցանկացավ ավելին ասել՝ պատճառաբանելով, որ կարող է իր մի խոսքը գործի ընթացքին խանգարել:

«Ամենայն հարգանքով, թույլ տվեք այս պահին ոչինչ չմեկնաբանել: Երբ ամենը կավարտվի, գուցե խոսեմ, բայց հիմա չեմ ցանկանա իմ մեկնաբանությամբ վնասել գործի ընթացքին»,- ասաց երգիչը:

Անդրադառնալով մեր այն դիտարկմանը, որ արդեն իսկ Մալախովի ծրագրից հանված է այդ հատվածը, Կարապետյանն ասաց, որ եթե նույնիսկ այս հարցին պատասխանի, ապա կվերածվի հարցազրույցի, այդ իսկ պատճառով այս փուլում թերեւս լռի:

Ի դեպ, նկատենք, որ հայ երգիչների երգերը «գողանալն» ու մատուցելը այլ լեզուներով, նորություն չէ, եւ քչերն են հետեւողականություն դրսեւորում այս հարցում: Այնուհանդերձ, հաջողություն ենք ցանկանում հայ երգչին՝ այս կարեւոր փուլում եւ սպասում հաղթական որոշման:

ՆԱՆԱ ՍԱՐԳՍՅԱՆ

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ Բանտերում գտնվող ընդդիմադիր լիդերները դուրս կգան բանտից, իսկ ով արժանի է բանտում լինելու՝ կլինի բանտում. Կարապետյան ԱԳՆ-ն միայն առևտուր ա արել վերջին տարիներին, բայց ապրանքը հայկական հողերն են եղել. Կարապետյան